ۇلتتىق تەستىلەۋ ورتالىعى استانادا 2, 3 جانە 4 شىلدەگە بەلگىلەنگەن ۇبت وتكىزۋ مەرزىمىنىڭ كەيىنگە شەگەرىلەتىنىن حابارلادى (ت.جۇرگەنوۆ كوشەسى, 18/2 جانە قايىم مۇحامەدحانوۆ كوشەسى, 37ا مەكەنجايى بويىنشا).
«تەحنيكالىق جۇمىستارعا بايلانىستى 2, 3 جانە 4 شىلدەگە جوسپارلانعان ۇبت كەلەسى مەرزىمگە اۋىستىرىلادى: 2 شىلدەگە جوسپارلانعان تەستىلەۋ ەندى 8 شىلدەدە, 3 شىلدەگە جوسپارلانعان - 9 شىلدەدە, ال 4 شىلدەدەگىسى 10 شىلدە كۇنى وتەدى», - دەلىنگەن حابارلامادا.
جاڭا تەستىلەۋ كۇندەرى تۋرالى اقپارات تەست تاپسىرۋشىنىڭ جەكە كابينەتىندە قولجەتىمدى بولاتىنى حابارلاندى.
