فوتو: halyq-uni.kz
مەدياوكىلدەرگە ورتاق قۇندىلىقتار بار. ءبىز تەك ءار مامانعا وسىنى ءجىتى ءتۇسىندىرىپ, ناسيحاتتاۋ ارقىلى قۇندىلىقتاردى قالىپتاستىرۋىمىز قاجەت. ماسەلەن, دۇنيەجۇزىلىك فۋتبول ءبىر عانا ەرەجەمەن وينايدى. سول سەكىلدى اقپاراتتىق نارىقتا جاھاندىق حالىقارالىق جۋرناليستىك ەتيكانىڭ قالىپتاسقان نورمالارىمەن, قاعيداتتارىمەن جۇمىس ىستەسەك, ءبىراز ماسەلەنىڭ ءتۇيىنى تارقايتىنىنا سەنىمدىمىن.
ارينە, بۇل بىركۇندىك شارۋا ەمەس. دەسەك تە مەدياقاۋىمداستىقتىڭ ءتۇرلى فورماتتاعى كەزدەسۋلەرى, تالقىلاۋلارى اياسىندا حالىقارالىق جۋرناليستيكانىڭ نورمالارىنا بەيىمدەلۋىمىز قاجەت. بايقاپ قاراساق, ءوزىن-ءوزى سىيلايتىن, ۇزاق جىلدىق ءداستۇرى بار الەمدىك مەديارەسۋرستاردىڭ ارقايسىسىندا رەداكتسيالىق ستاندارتتار قالىپتاسقان. بۇل جالپىمەن ءارى جاريا تۇردە قابىلدانعان. سايتتارىندا دا اشىق كورسەتىلىپ جازىلادى. كەز كەلگەن جۋرناليست سول رەداكتسيانىڭ ستاندارتتارىنا سايكەس بەيتاراپتىلىققا, بىلىكتىلىككە, وبەكتيۆتىلىككە, جاۋاپكەرشىلىككە قاتىستى نورمالارىن ساقتايدى. بىزدە بىردە-ءبىر بۇقارالىق اقپارات قۇرالدارىندا رەداكتسيالىق ستاندارت جوق. ءبىزدىڭ قازىرگى نەگىزگى مىندەتىمىز وسى.
بولات ءمۇرسالىم,
«Qazaqstan» تەلەارناسىنىڭ ديرەكتورى
