فوتو: سەنات
ء«تيىمدى قادامدار جاساپ, قاجەتتى زاڭدار قابىلداۋ ءۇشىن بىزگە وبلىستاردا, وڭىرلەردە نە بولىپ جاتقانى جونىندە وبەكتيۆتى ءارى ناقتى دەرەكتەر قاجەت. نەگىزگى ستاتيستيكالىق مالىمەتتەر جەرگىلىكتى اتقارۋشى ورگانداردىڭ قاتىسۋىمەن جانە ۇيلەستىرۋىمەن قالىپتاساتىنى بەلگىلى. ولار ءۇشىن بۇل, ءبىر جاعىنان, جوعارى تۇرعان قۇرىلىمدارعا قانداي دا ءبىر ەسەپ بەرۋ ەكەنى تۇسىنىكتى. وسى رەتتە كەيبىر جاعدايدا مانيپۋلياتسياعا جول بەرىلەتىنىن تەرىسكە شىعارۋعا بولمايدى. مەملەكەت باسشىسىنىڭ تاپسىرماسىمەن جۇزەگە اسىرىلاتىن جۇمىستار بارىنشا ناتيجەلى بولۋى ءۇشىن ينفلياتسيا, حالىقتىڭ تابىسى, ەكونوميكالىق ءوسۋ, بەلگىلى ءبىر سالالار مەن وڭىرلەردەگى جاعداي بويىنشا وبەكتيۆتى ستاتيستيكا قاجەت. سول سەبەپتى اتالعان ماسەلە وتە ماڭىزدى جانە زاڭعا بالامالى اقپارات كوزدەرى بويىنشا نورمالاردىڭ ەنگىزىلۋى دۇرىس ءتاسىل», دەدى سەنات توراعاسى.
وسىعان وراي ماۋلەن اشىمباەۆ جەرگىلىكتى جەرلەردە ستاتيستيكالىق مالىمەتتەر قالاي قالىپتاساتىنىن جانە بالامالى اقپارات كوزدەرى قانشالىقتى قولدانىلاتىنىن قاداعالاۋ ءۇشىن ستاتيستيكا بيۋروسىمەن بىرلەسىپ, وڭىرلەردە سەناتتىڭ سالالىق كوميتەتىنىڭ كوشپەلى وتىرىسىن وتكىزۋدى ۇسىندى. سونداي-اق قازىرگى تاڭداعى Big Data جانە باسقا دا دەرەك كوزدەرىن قولدانا وتىرىپ, ستاتيستيكالىق ءماسسيۆتى ءتيىمدى تالداۋ تاسىلدەرىن زەردەلەۋدىڭ ماڭىزدى ەكەنى ءسوز بولدى.
ايتا كەتسەك, بۇگىن پالاتا وتىرىسىندا سەناتورلار «قر-نىڭ كەيبىر زاڭنامالىق اكتىلەرىنە مەملەكەتتىك باقىلاۋ مەن ستاتيستيكا, حالىقتى قورعاۋ جۇيەسىن جەتىلدىرۋ, دەرەكتەردى باسقارۋ, زاڭدى تۇلعالاردى تىركەۋ جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قارادى.
