فوتو: ءىىم ۇلتتىق ۇلاننىڭ ءباسپاسوز قىزمەتى.
ۇلتتىق ۇلان ءباسپاسوز قىزمەتىنىڭ حابارلاۋىنشا, 26 ماۋسىم كۇنى كەشكى ساعات 19.00 شاماسىندا كىشى سەرجانت ريزابەك تۇلەەۆ پەن قاتارداعى پاترۋل قىزمەتكەرى رۋسلان مۋسين سارايشىق كوپىرىنىڭ جانىنان ءوتىپ بارا جاتقان. وسى كەزدە جەدەل باسقارۋ ورتالىعىنا قىزدىڭ كوپىردىڭ شەتىندە تۇرعانى تۋرالى حابارلاما كەلىپ تۇسكەن. سول ساتتە ولار بىردەن وقيعا ورنىنا قاراي بەتتەگەن.
«ول وسى ۋاقىتتا قورشاۋدىڭ ارتىندا تۇردى. جاس قىز سەكىرەمىن دەپ قورقىتتى», دەيدى ريزابەك مەرەكەەۆ.
اسكەري قىزمەتكەرلەر قىزدى تومەن تۇسۋگە كوندىرىپ, ونىمەن سويلەسكەن. قولايلى ءساتتى كۇتكەن اسكەريلەر مەن ءوتىپ بارا جاتقان قالا تۇرعىندارى قىزدى قورشاۋدان شىعارىپ ۇلگەرگەن.
كەيىنىرەك بويجەتكەننىڭ الماتى اۋدانىنىڭ پوليتسيا بولىمىنە جەتكىزىلگەنى حابارلاندى.
