فوتو: gov.kz
قالاداعى «روزال» ورتالىعى» جەكە بالاباقشاسى باسشىلىعى مەكتەپكە دەيىنگى ۇيىمداردى جان باسىنا شاققانداعى قارجىلاندىرۋ اياسىندا بولىنگەن 12 ملن تەڭگەگە جۋىق بيۋدجەت قاراجاتىن جىمقىرعان.
باسشى بالاباقشادا ءىس جۇزىندە تاربيەلەنبەگەن بالالار ءۇشىن بيۋدجەتتەن قاراجات العان.
قالا پروكۋراتۋراسى الاياقتىق فاكتىسى بويىنشا قىلمىستىق ءىستى تىركەدى, ونى جامبىل وبلىسىنىڭ ەكونوميكالىق تەرگەپ-تەكسەرۋ دەپارتامەنتى زەرتتەپ جاتىر.
«تاراز قالاسىنىڭ №2 سوتىنىڭ 14.06.2024 جىلعى ۇكىمىمەن بالاباقشا باسشىسى 4 جىلعا سوتتالدى. وعان قوسا تاربيە/وقىتۋ قىزمەتىن كورسەتەتىن كەز كەلگەن مەنشىك نىسانىنداعى ۇيىمدار مەن مەكەمەلەردە قارجىمەن بايلانىستى ماتەريالدىق جاۋاپتى لاۋازىمداردى اتقارۋ قۇقىعىنان 3 جىلعا ايىرىلدى», دەلىنگەن پروكۋراتۋرا حابارلاماسىندا.
سوت ۇكىمى زاڭدى كۇشىنە ەنگەن جوق.
