- بۇگىننەن باستاپ ناۋقاستاردىڭ جاعدايى قالىپتى بولۋىنا بايلانىستى ۇيلەرىنە شىعارا باستادىق. قازىرگى تاڭدا اۋرۋحانادا جاتقانى ءۇش ناۋقاس جاتىر, ينفەكتسيادا ءۇش ناۋقاس جاتىر. قالعان ءۇش ناۋاستىڭ جاعدايى بىرقالىپتى. ەمىن الىپ جاتىر, - دەدى وtyrar.kz-كە كەلەس اۋداندىق اۋرۋحاناسى باس دارىگەرىنىڭ ورىنباسارى بەكارىس اسقاربەك ۇلى.
قازىر سانيتارلىق ەپيدەمولوگيا ماماندارى زەرتحانالىق تەكسەرۋ جۇرگىزىپ جاتىر. وقيعاعا قاتىستى وبلىستىق پوليتسيا دەپارتامەنتى قىلمىستىق كودەكستىڭ 304-بابى بويىنشا ءىس قوزعادى. ساراپتاما تاعايىندالدى.
- اتالعان فاكتى بويىنشا پوليتسيامەن "سانيتارلىق ەرەجەلەردى نەمەسە گيگيەنالىق نورماتيۆتەردى بۇزۋ" بابى بويىنشا قىلمىستىق ءىس قوزعالدى. قازىرگى ۋاقىتتا ساراپتاما تاعايىندالدى جانە بارلىق جاعدايلار انىقتالۋدا. تەرگەۋ ناتيجەلەرى بويىنشا زاڭدى شەشىم قابىلدانادى, - دەپ مالىمدەدى تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى.
كەلەس اۋدانىنداعى جەكە بالاباقشادا بولعان جاپپاي ۋلانۋ جاعدايىنا قاتىستى اۋداندىق سانيتاريالىق-ەپيدەميولوگيالىق باسقارماسى مالىمدەمە جاسادى. قازىر سىنامالار الىنىپ, زەرتتەۋ جۇرگىزىلىپ جاتىر. ماماندار الدىن الا بولجام بويىنشا تاڭعى اسقا بەرىلگەن كۇرىش بوتقاسىنان كۇدىكتەنىپ وتىر.
- سىنامالار تاعام ونىمدەرىنەن الىندى, سۋلارىنان الىندى. ناۋقاستاردان قۇسىق جانە اسقازان شايىندىلارى, نىسانداردان سۇرتىندىلەر الىندى. الدىن الا زەردەلەۋ جۇمىستارىنىڭ ناتيجەسىندە كۇرىش بوتقاسىنان بولۋى مۇمكىن دەگەن كۇدىك بار. تاڭعى اسقا كۇرىش بوتقاسى بەرىلگەن. قازىر كۇرىش بوتقاسىنان سىنامالار الىنىپ, زەرتتەۋ جۇمىستارى جۇرگىزىلىپ جاتىر, - دەدى كەلەس اۋداندىق سانيتاريالىق-ەپيدەميولوگيالىق باسقارماسىنىڭ باسشىسى نۇرسۇلتان ساپارعالي ۇلى.
