الدىمەن پالاتا سپيكەرى «پارلامەنت ءسوزى» سىيلىعىنىڭ جەڭىمپازدارى مەن بارشا بۇقارالىق اقپارات قۇرالدارى وكىلدەرىن كاسىبي مەرەكەمەن قۇتتىقتادى.
«كەيىنگى جىلدارى جۋرناليستەردىڭ قىزمەتىن, ءسوز بوستاندىعىن قامتاماسىز ەتۋ جولىندا كوپ شارۋا اتقارىلىپ جاتىر. مەملەكەت باسشىسى قاسىم-جومارت كەمەل ۇلى توقاەۆتىڭ جۇرگىزىپ وتىرعان ساياساتىنىڭ نەگىزگى وزەگى دە سول. سونىڭ بىردەن-ءبىر كورىنىسى – وسى ءماجىلىس الاڭى. بۇگىنگى تاڭدا باق – اقپاراتتى حالىققا جەتكىزۋدىڭ ەڭ ماڭىزدى, وبەكتيۆتى جانە جەدەل ارناسى. ال جۋرناليستەر قاۋىمىن دەپۋتاتتاردىڭ ەلدى دامىتۋ جولىنداعى ناعىز وداقتاستارى دەۋگە بولادى», دەدى پالاتا سپيكەرى.
ەرلان قوشانوۆ پرەزيدەنتتىڭ تاپسىرماسى بويىنشا ازىرلەنگەن «ماسس-مەديا تۋرالى» جاڭا زاڭدى دەپۋتاتتار جۋرناليستەرمەن بىرگە جازعانىن جانە ولاردىڭ كوپتەگەن ۇسىنىس-پىكىرىن ەسكەرگەنىن اتاپ ءوتتى. جاڭا زاڭ بۇقارالىق اقپارات قۇرالدارىنىڭ مۇددەلەرىن قورعايدى جانە وتاندىق مەديا سالاسىن جەتىلدىرۋگە مول مۇمكىندىك بەرەدى. ونىڭ جۇمىسىنا جۋرناليستەر اراسىنان شىققان ەڭ بەلسەندى دەپۋتاتتار قاتىستى. ولار ارقاشان ءوز ارىپتەستەرىمەن بايلانىستا جانە ءماجىلىستىڭ اشىقتىعى ءۇشىن كوپ جۇمىس ىستەيدى.
Cالتاناتتى جيىندا «ۇزدىك باسپا جاريالانىمى ءۇشىن» اتالىمىمەن «تۇركىستان» گازەتىنىڭ باس رەداكتورى باۋىرجان باباجان ۇلى, «يۋريديچەسكايا گازەتا» باسىلىمىنىڭ ءتىلشىسى لينارا ساكتاگانوۆا ماراپاتتالدى.
«ۇزدىك تەلەۆيزيالىق سيۋجەت ءۇشىن» اتالىمىندا «حابار» تەلەارناسىنىڭ ءتىلشىسى الينا برجانوۆا, «Almaty» تەلەراديوكومپانياسىنىڭ ءجۋرناليسى ءومىر انۋاربەك, «ەۋرازيا» ءبىرىنشى ارناسى» تەلەارناسىنىڭ ءتىلشىسى جانەل قاينەتدەن ۇزدىك دەپ تانىلدى.
«ۇزدىك بەينە-سۋرەت ماتەريالى ءۇشىن» اتالىمى «قازاقپارات» حالىقارالىق اقپارات اگەنتتىگىنىڭ ءفوتوتىلشىسى ۆيكتور فەديۋنينگە, «مير» تەلەارناسىنىڭ تەلەوپەراتورى مارات كۋراكوۆ تابىستالدى.
«ۇزدىك ينتەرنەت جانە راديو ماتەريالى ءۇشىن» اتالىمىن «Baq.Kz» اقپارات اگەنتتىگىنىڭ ءتىلشىسى گۇلجان رامانقۇلوۆا, «NS» راديوسىنان ەربول بەگىمبەتوۆ, «BES.media» جەلىلىك باسىلىمىنىڭ ءجۋرناليسى دامير بايمانوۆ الدى.
«ارنايى رەپورتاج» اتالىمى بويىنشا «24.kz» تەلەارناسى ء«ماجىلىس live» باعدارلاماسىنىڭ جۇرگىزۋشىسى اننا شولگينا, «Abai.live» Youtube ارناسىنىڭ جۇرگىزۋشى-رەداكتورى اباي تىلەنشيەۆ, «Zakon.kz» سايتىنىڭ ءتىلشىسى اندرەي گۋبەنكو ماراپاتتالدى.
«پارلامەنتتىك جۋرناليستيكانى دامىتۋعا قوسقان ۇلەسى ءۇشىن» اتالىمىندا «Qazaqstan» ۇلتتىق ارناسى «Apta» باعدارلاماسىنىڭ جەتەكشىسى جاينا جاكسىلىقوۆا مەن «ۆرەميا» گازەتىنىڭ باس رەداكتورى لەۆ تاراكوۆ جەڭىسكە جەتتى.
سونداي-اق «پارلامەنت ءسوزى» ارنايى سىيلىعى اتالىمى «Tengrinews.kz» جەلىلىك باسىلىمى مەن «Jibek joly» تەلەارناسىنىڭ ۇجىمىنا تابىس ەتىلدى.
