فوتو: VGstockstudio / Shutterstock / Fotodom
ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆانىڭ ايتۋىنشا, الەۋمەتتىك كودەكستە مۇگەدەكتەردى الەۋمەتتىك قورعاۋدىڭ ءۇش دەڭگەيلى جۇيەسى قاراستىرىلعان: جاردەماقىلار مەن الەۋمەتتىك تولەمدەر تۇرىندەگى مەملەكەتتىك كومەك پەن قولداۋ, الەۋمەتتىك وڭالتۋ شەڭبەرىندە دەنەنىڭ جوعالعان فۋنكتسيالارىن وتەۋ, ارناۋلى الەۋمەتتىك قىزمەتتەردى كورسەتۋ, جۇمىسپەن قامتۋ.
مينيستر 2024 جىلدىڭ 1 قاڭتارىنان باستاپ جاردەماقى 7 پايىزعا وسكەنىن اتاپ ءوتتى. مىسالى, جالپى اۋرۋىنا بايلانىستى مۇگەدەكتەرگە تولەنەتىن جاردەماقى مولشەرى وتكەن جىلمەن سالىستىرعاندا: ءبىرىنشى توپقا – 89,2 مىڭ تەڭگەدەن 95,5 مىڭ تەڭگەگە; ەكىنشى توپقا – 71,4 مىڭ تەڭگەدەن 76,4 مىڭ تەڭگەگە دەيىن; ءۇشىنشى توپقا – 48,7 مىڭنان 52 مىڭ تەڭگەگە دەيىن ءوستى.
2024 جىلعى 1 ماۋسىمداعى جاعداي بويىنشا جاردەماقى الۋشىلاردىڭ سانى - 541,8 مىڭ ادام, ونىڭ ورتاشا مولشەرى - 74 مىڭ تەڭگە. سونىمەن قاتار سوڭعى التى جىلدا مۇگەدەكتىك بويىنشا جاردەماقىنىڭ ورتاشا مولشەرى 2,3 ەسەدەن اسا ءوستى.
