Neo Science Olympiad – وقۋشىلاردىڭ عىلىم سالاسىنداعى ءبىلىمىن ارتتىرۋعا باعىتتالعان بەدەلدى جاھاندىق ءىس-شارا. پلاتفورما بالالارعا باسەكەگە قابىلەتتىلىك جانە الەمدىك دەڭگەيدەگى ماسەلەلەردى شەشۋ داعدىلارىن دامىتۋدى كوزدەيدى, سونداي-اق ءتۇرلى مەملەكەتتەن جينالعان زامانداستارىمەن بىرلەسىپ جۇمىس ىستەۋگە مۇمكىندىك بەرەدى.
وليمپيادا قاتىسۋشىلارى كودتاۋ, ماتەماتيكا جانە عىلىم باعىتتارى بويىنشا باق سىناستى. جارىستىڭ قورىتىندىسى بويىنشا ەرنار coding final, coding Grand final, AI challenge ساناتتارىندا ءۇش التىن مەدال, science باعىتى بويىنشا كۇمىس مەدال ەنشىلەدى.
ماۋسىم ايىندا نيۋ-يوركتە ۇيىمداستىرىلعان وليمپيادانىڭ فينالدىق كەزەڭىندە اقش, اۆستريا, بوسنيا جانە گەرتسەگوۆينا, گەرمانيا, كوسوۆو, ليتۆا, فيليپپين, قاتار, رۋمىنيا, ءباا, ۆەتنام جانە باسقا دا ەلدەردەن كەلگەن قاتىسۋشىلار باق سىنادى.
ەسكە سالا كەتەيىك, قاڭتار ايىندا ەرنار وليمپيادانىڭ ءبىرىنشى ونلاين كەزەڭىنەن ءساتتى ءوتتى. Coding ساناتىندا ءبىرىنشى ورىندى يەلەنىپ, اۆستريا مەن وزبەكستان وكىلدەرىمەن بىرگە ۇزدىك ۇشتىك قاتارىنا ەنگەن ەدى.
