فوتو:ult.kz
انىقتالعانداي, 24 ماۋسىم كۇنى تاڭعى استان كەيىن ساعات 11:00 شاماسىندا بالالار وزدەرىن ناشار سەزىنە باستاعان. بالاباقشا ۇجىمى دارىگەر مەن مەدبيكەنى شاقىرىپ, العاشقى مەديتسينالىق كومەك كورسەتكەن. دارىگەرلەر قازىر اۋرۋحاناعا تۇسكەن بالالاردىڭ جاعدايىن ءجىتى باقىلاپ جاتىر.
«جەكەمەنشىك بالاباقشاداعى بۇلدىرشىندەردىڭ ۋلانۋ وقيعاسى قازىر تۇركىستان وبلىسىنىڭ ءبىلىم باسقارماسىنىڭ باقىلاۋىندا. تەكسەرۋ جۇمىستارىن اۋداندىق سانيتارلىق-ەپيدەميولوگيالىق قاداعالاۋ ءبولىمى جۇرگىزدى. بالالارعا تاڭعى اسقا بەرىلەتىن بوتقانىڭ قۇرامى مەن ءسۇتتىڭ قۇرامى ساراپتاماعا جىبەرىلدى. دارىگەرلەر اۋرۋحاناداعى بالالاردىڭ جاعدايىن ءجىتى باقىلاپ وتىر. وسى جاعدايعا بايلانىستى كەلەس اۋداندىق پوليتسيا بولىمىندە قىلمىستىق ءىس قوزعالدى», دەپ مالىمدەدى تۇركىستان وبلىسى ءبىلىم باسقارماسىنىڭ ءباسپاسوز قىزمەتى.
