فوتو: ۇقك ءباسپاسوز قىزمەتى
كوميتەتتىڭ ءباسپاسوز قىزمەتى حابارلاعانداي, 24 حالىقارالىق جانە 17 ايماقتىق ەسىرتكى جەتكىزۋ ارناسى, سونداي-اق 16 جاسىرىن ەسىرتكى زەرتحاناسىنىڭ قىزمەتى توقتاتىلدى.
«زاڭسىز اينالىمنان 1,3 توننادان استام ەسىرتكى قۇرالدارى مەن پسيحوتروپتىق زاتتار, 4,6 توننا كوكنار سابانىنىڭ شيكىزاتى جانە سينتەتيكالىق ەسىرتكى جاساۋ ءۇشىن پايدالانىلاتىن 13,6 توننا حيميالىق رەاگەنتتەر الىندى. «قارا نارىقتا» الىنعان ەسىرتكىنىڭ قۇنى شامامەن 17 ملرد تەڭگەگە باعالانادى, ال اينالىمعا جىبەرىلگەن كولەم شامامەن 5 ملن ءبىر رەتتىك دوزانى قۇرايدى», دەلىنگەن حابارلامادا.
ۇقك دەرەكتەرى بويىنشا قازاقستاننىڭ 54 ازاماتى مەن شەتەلدىكتەرگە قاتىستى سوتقا دەيىنگى تەرگەۋلەر جۇرگىزىلىپ جاتىر.
سونىمەن قاتار ۇقك شەكارا قىزمەتى حالىقارالىق قاتىناس جولدارىندا ەسىرتكى قۇرالدارىن تاسىمالداۋدىڭ 200-دەن استام ارەكەتىنىڭ جولىن كەستى. زاڭسىز اينالىمنان 790 كگ-نان استام ەسىرتكى جانە پسيحوتروپتىق زاتتار الىندى.
