ءبىر قىزىعى ءتورت ت ۇلىكتىڭ سۇيەگى عانا ەمەس, ءمۇيىزى, تۇياعى, ءتىپتى تىستەرىنەن دە كوركەم دۇنيە شىعارادى. بۇل – قولونەردىڭ ۇمىت بولىپ بارا جاتقان كونە ءتۇرى. «ەتتى جەگەن سوڭ سۇيەكتەرى قالادى. سول سۇيەكتەردى سودا قوسىپ تاعى ءبىر مارتە قايناتامىن. سودا مايىن كەتىرەدى,ونى جۇمسارتادى. كوبىنە جاۋىرىن سۇيەكتەرىن ويامىن. سۇيەككە ءتۇرلى ۇلتتىق ناقىشتاعى سۋرەتتەردى بەينەلەيمىن», دەيدى ول.
اپات اڭعاراتىن روبوت
«Hydrus» روبوتى ءۇندى مۇحيتىنداعى باياعىدا بولعان اپاتتاردى ىزدەپ, انىق-قانىعىنا جەتىپ ءجۇر.
العاشقى سۇڭگۋ كەزىندە «Hydrus» تەڭىز تۇبىنە شاشىراعان 64 مەترلىك ۇلكەن كەمەنىڭ سىنىقتارىن تاپتى. Advanced Navigation مالىمەتتەرى بويىنشا, ادامزات مۇحيتتىڭ تەك 24 پايىزىن زەرتتەپ, كارتاعا ءتۇسىردى. ال زەرتتەلمەگەن بولىكتەردە 3 ميلليوننان استام انىقتالماعان اپات ورنى بار. قۇردىمعا كەتكەن كەمەلەردە قانشا ەلدىڭ مادەنيەتى, تاريحى, ءتىپتى عىلىمىنىڭ كىلتى بار دەيدى عالىمدار. قازىنا جاتۋى دا ابدەن مۇمكىن.
رەكوردشى اجەي
«ادامنىڭ جاسى – جاي عانا ساندار», دەدى 104 جاستاعى دوروتي حوففنەر. ول ونى جايدان جاي ايتا سالعان جوق. پاراشيۋتتەن سەكىرىپ, رەكورد جاڭارتقاندا ايتتى.
104 جاستاعى چيكاگو تۇرعىنى رەكورد جاڭارتۋ ءۇشىن پاراشيۋت ارقىلى ۇشاقتان سەكىرگەن. ول چيكاگودان وڭتۇستىك-باتىسقا قاراي 140 كم قاشىقتىقتا جەرگە قوندى. سوندا جۇرەك جۇتقان اجە 4100 مەتر بيىكتەن قۇلديلاعان. بۇعان دەيىن مۇنداي رەكورد 103 جاستاعى شۆەتسيالىق كەيۋاناعا تيەسىلى-تۇعىن.
