فوتو: prostoinvesticii.com
بەكىتىلگەن وڭىرلىك جۇمىسپەن قامتۋ كارتالارىنا سايكەس, 2024 جىلى 948 مىڭ ەل ازاماتىن جۇمىسقا ورنالاستىرۋ كوزدەلگەن. بۇگىنگى تاڭدا 353 مىڭعا جۋىق ادام جۇمىسپەن قامتىلدى, بۇل جالپى كورسەتكىشتىڭ 37%-ىن قۇرايدى. ونىڭ ىشىندە 148 مىڭى – جاستار. وسىلايشا, جىل باسىنان بەرى مەملەكەت سۋبسيديالايتىن ورىندارعا 137 مىڭ جۇمىسسىز ادام جۇمىسقا ورنالاستىرىلدى. 97 مىڭنان استام ازامات مەملەكەت باسشىسىنىڭ ء«اربىر 10 مىڭ ادامعا شاققاندا 100 جاڭا جۇمىس ورنى» باستاماسى اياسىندا 103 مىڭنان استام ادام جۇمىس بەرۋشىلەر تاراپىنان ۇسىنىلعان بوس جۇمىس ورىندارىنا, ال 16 مىڭعا جۋىعى ۇلتتىق جوبالار اياسىندا ىسكە اسىرىلىپ جاتقان باعدارلامالارعا جىبەرىلىپ جاتىر.
وڭىرلەر بولىنىسىندە اباي (53%), سقو (47%), قىزىلوردا (45%) جانە جامبىل (45%) وبلىستارىندا وڭ ديناميكا بايقالادى. كوزدەلگەن جوسپارلاردى ورىنداۋدىڭ ەڭ تومەن كورسەتكىشتەرى اقتوبە وبلىسىندا (30%) جانە الماتى قالاسىندا (30%) تىركەلگەن. پرەمەر-مينيستر ولجاس بەكتەنوۆ وڭىرلەر اكىمدىكتەرىنىڭ وسى باعىتتاعى جۇمىستى جانداندىرۋ قاجەتتىگىن اتاپ ءوتتى.
ۇكىمەت باسشىسى وزەكتى ماسەلەلەردى شەشۋ ماقساتىندا وتكەن جىلى «قازاقستان رەسپۋبليكاسىنىڭ ەڭبەك نارىعىن دامىتۋدىڭ 2024-2029 جىلدارعا ارنالعان تۇجىرىمداماسى» بەكىتىلگەنىن اتاپ ءوتتى. قابىلدانعان قۇجات شەڭبەرىندە, اسىرەسە, جاس ماماندار ءۇشىن تۇراقتى جۇمىس ورىندارىن كوبىرەك قۇرۋ كوزدەلگەن. بۇگىنگى تاڭدا تەحنيكالىق جانە كاسىپتىك وقۋ ورىندارىن بىتىرگەن تۇلەكتەردىڭ 25%-عا جۋىعى ءوز ماماندىعى بويىنشا جۇمىس ىستەمەيدى. جاڭا جۇمىس كۇشى قاجەت بارلىق جوبالاردى قاداعالاي وتىرىپ, جۇمىس بەرۋشىلەرمەن جۇمىسپەن قامتۋدىڭ تسيفرلىق مونيتورينگى ارقىلى ءوزارا ءىس-قيمىلدى جولعا قويۋ ماڭىزدى.
وتىرىس بارىسىندا قازاقستان ازاماتتارىن شەتەلدە جۇمىسقا ورنالاستىرۋ جانە ازاماتتاردىڭ قۇقىقتارىن قورعاۋ ماسەلەسىنە ەرەكشە نازار اۋدارىلدى.
«ولارعا جالاقى تولەمەۋ, مەديتسينالىق قىزمەت كورسەتپەۋ, كەلىسىمشارتتار ورەسكەل بۇزىلعان فاكتىلەر بىزگە بەلگىلى. سوندىقتان قازىر ءتيىستى ۇكىمەتارالىق كەلىسىمدەردى بەكىتۋ بويىنشا جۇمىستار قولعا الىندى. قازىردىڭ وزىندە شەت ەلدەردە ءبىزدىڭ ازاماتتاردى جۇمىسقا ورنالاستىراتىن جەكە اگەنتتىكتەردىڭ قىزمەتىن ءبىر جۇيەگە كەلتىرۋ قاجەت. قازاقستان ازاماتتارى كەلىسىمشارت بويىنشا سەنىمدى كەپىلدىك الۋعا ءتيىس», دەدى ولجاس بەكتەنوۆ.
اتالعان جۇمىس شەڭبەرىندە شىعىس قازاقستان, تۇركىستان جانە الماتى وبلىستارىندا كاسىپتىك جانە تىلدىك دايارلاۋ ورتالىقتارىن اشۋ جوسپارلانىپ وتىر. وڭىرلەردىڭ تاجىريبەسى الداعى ۋاقىتتا ساپالى جۇمىسپەن قامتۋعا جانە حالىقتىڭ تابىسىن ارتتىرۋعا ىقپال ەتەدى. جالپى, حالىقتى جۇمىسپەن قامتۋ جونىندەگى شارالاردى ىسكە اسىرۋ 2029 جىلعا قاراي 3,8 ملن ساپالى جۇمىس ورنىن قۇرۋعا مۇمكىندىك بەرەدى.
