قىتاي ەلشىسىمەن كەزدەستى

قازاقستان رەسپۋبليكاسى پارلامەنتى سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان حانحۋەيدى ونىڭ ءوتىنىشى بويىنشا قابىلدادى. كەزدەسۋدە ەكى ەلدىڭ ءوزارا قاتىناستارى مەن پارلامەنتارالىق بايلانىستارىن كەڭەيتۋ ماسەلەلەرى تالقىلاندى. قحر ەلشىسى قىتاي قازاقستاندى اۋقىمدى سالالار بويىنشا ستراتەگيالىق ارىپتەس دەپ سانايتىنىن ايتا كەلىپ, ەكى ەل اراسىندا گۋمانيتارلىق ىنتىماقتاستىقتى بەلسەندى قولداۋ جونىندەگى پىكىرىن ءبىلدىردى. چ.حانحۋەي مەملەكەت باسشىسى ن.نازارباەۆتىڭ قازاق­ستان رەسپۋبليكاسىنىڭ جاڭا ەكونوميكالىق ساياساتى جاريا ەتىلگەن «نۇرلى جول – بولاشاققا باستار جول» قازاقستان حالقىنا جولداۋىنىڭ ەرەكشە ماڭىزىن اتاپ ءوتتى. سونىمەن قاتار, قحر ەلشىسى قازاق حاندىعىنىڭ 550 جىلدىعىن مەرەكەلەۋدىڭ ماڭىزىن اتاپ وتە كەلىپ, ونى قازاقستان حالقى ءۇشىن ەرەكشە وقيعا رەتىندە سانايتىنىن جەتكىزدى. كەزدەسۋ بارىسىندا حالىق­ارالىق ىنتىماقتاستىقتىڭ ءبىر­قاتار ماسەلەلەرى دە تالقىلاندى, دەپ حابارلادى پارلامەنت سەنا­تىنىڭ ءباسپاسوز قىزمەتى.