فوتو: https://blitz-perevod.ru/
بۇعان دەيىن دەپۋتات سوتتاردا جۇمىس ىستەيتىن اۋدارماشىلار تومەن جالاقى الاتىنىنا نازار اۋدارعان ەدى.
«قازىرگى ۋاقىتتا ازاماتتىق جانە اكىمشىلىك ىستەر بويىنشا اۋدارماشىلاردىڭ ەڭبەگىنە اقى تولەۋ ۇكىمەتتىڭ 1992 جىلعى قاۋلىسى نەگىزىندە جۇزەگە اسىرىلادى. وعان سايكەس ءبىر بەتتى نەمەسە ءبىر ساعاتتىق جۇمىستى اۋدارعانى ءۇشىن 369 تەڭگە تولەنەدى. ال ەگەر پروتسەسس جارتى ساعاتتى السا, وندا تولەم وسى سومانىڭ جارتىسىن قۇرايدى, ياعني 180 تەڭگە», دەدى نۇرسۇلتان بايتىلەسوۆ.
دەپۋتاتتىق ساۋالعا بەرىلگەن جاۋاپتا سوت ءىسىن جۇرگىزۋ اياسىنداعى اۋدارمالاردىڭ قۇنى اۋدارما قىزمەتىنىڭ نارىقتىق قۇنىنان ايتارلىقتاي تومەن ەكەندىگى ايتىلدى. مالىمەتتەرگە سۇيەنسەك, ازاماتتىق جانە اكىمشىلىك ىستەر بويىنشا اۋدارماشىلارعا تولەنەتىن سىياقى مولشەرى مينيسترلەر كابينەتىنىڭ 1992 جىلعى 25 اقپانداعى قاۋلىسىمەن رەتتەلەدى.
«سوت اكىمشىلىگى قالىپتاسقان جاعدايدى رەتتەۋ ءۇشىن سوت پروتسەسىنە قاتىساتىن اۋدارماشىلارعا سىياقى مولشەرىن ۇلعايتۋدى كوزدەيتىن قاۋلى جوباسىن دايىندادى. قازىرگى ۋاقىتتا جوبا زاڭنامادا بەلگىلەنگەن تارتىپپەن قارالىپ جاتىر», دەلىنگەن جاۋاپتا.
