كەزدەسۋگە قاتىسۋشىلار مادەني مۇرانى ساقتاۋ جانە ناسيحاتتاۋ ماسەلەلەرىن ونلاين تۇردە تالقىلادى.
نۇرتورە ءجۇسىپ ءوز سوزىندە ماحتۋمكۋلي فراگيدىڭ شىعارماشىلىق مۇراسى ورتالىق ازياداعى بارلىق حالىقتاردىڭ مادەني مۇراسى ەكەنىنە توقتالدى جانە الەمدىك ادەبيەت تاريحىنا جازىلعانىن اتاپ ءوتتى. دەپۋتات سونىمەن قاتار قازاقستان مەن تۇركىمەنستان اراسىنداعى ىنتىماقتاستىق دوستىق پەن تاتۋ كورشىلىككە, عاسىرلار بويعى تاريحي بايلانىستارعا نەگىزدەلگەنىن جەتكىزدى.
«قازاقستان مەن تۇرىكمەنستان عاسىرلار بويى رۋحاني تامىرى ءبىر ورتاق تاريحپەن, دوستىق جانە تاتۋ كورشىلىكتىڭ ىزگى داستۇرىمەن, ءوزارا ىنتىماقپەن تىعىز بايلانىسىپ كەلەدى. بۇگىنگى تاڭدا ەكى ەلدىڭ پارلامەنتتەرى, ۇكىمەتتەرى مەن مەملەكەتتىك ورگاندارى اراسىنداعى ءوزارا بەلسەندى ءىس-قيمىلدى ەكىجاقتى قاتىناستاردى نىعايتۋعا ىقپال ەتۋدە. مادەني-گۋمانيتارلىق سالاداعى بايلانىستار ءوزارا ءىس-قيمىلدىڭ ماڭىزدى قۇرامداس بولىگى ەكەنى داۋسىز, ال قازاق جانە تۇرىكمەن دياسپورالارى بايلانىستىرۋشى بۋىن بولىپ قالا بەرەدى», - دەدى نۇرتورە ءجۇسىپ.
شاراعا وزبەكستان, تاجىكستان, قىرعىزستان جانە يران دەپۋتاتتارى دا قاتىستى.
