وتانشىلدىق پەن مەملەكەتتىك قىزمەتتىڭ وڭ ءيميدجىن قالىپتاستىرۋ, ابىروي-بەدەلىن نىعايتۋ ارقىلى ەل دامۋىنا ۇلەس قوسۋ, سونىمەن قاتار قوعامدىق ءتارتىپتى قامتاماسىز ەتۋ, ەل تىنىشتىعىن ساقتاۋ جولىندا بار قارىم-قابىلەتىن جۇمساپ, قاجىرلى ەڭبەك ەتىپ جۇرگەن سالا قىزمەتشىلەرىنىڭ ەسەلى ەڭبەگى قانداي بولسىن سىي-قۇرمەتكە لايىق.
ءاربىر وركەنيەتتى مەملەكەتتىڭ ەڭ باستى تىرەگى – ونىڭ يدەياسى مەن ساياساتىن جۇيەلەۋشى, جۇرگىزۋشى مەملەكەتتىك قىزمەتشى. مەملەكەتتىك قىزمەتشى قاي كەزدە دە بيلىكتىڭ بيىك بەينەسىن, ىسكەرلىك قابىلەتىن تانىتادى. سونداي-اق قوعامدا قۇقىقتىق ءتارتىپتى, ازاماتتاردىڭ قاۋىپسىزدىگىن قامتاماسىز ەتۋدە ىشكى ىستەر ورگاندارىنىڭ الار ورنى ەرەكشە. ادىلەتتى قازاقستان قوعام ءومىرىنىڭ بارلىق سالاسىندا تۇبەگەيلى وزگەرىستەردى قولعا الىپ, ەلدى وركەندەتۋگە باعىتتالعان بارشا باعدارلاما مەن اۋقىمدى رەفورمانى جۇزەگە اسىرۋعا جۇمىلىپ وتىر. وسى باعىتتا قوس كاسىبي مەرەكە يەلەرىنىڭ ۇلەسى وراسان.
