كەڭ ءورىستى قۇجات

قازاقستان باسشىسىنىڭ «نۇرلى جول – بولاشاققا باستار جول» جولداۋى – ناقتى ىستەرگە نەگىز­­دەل­گەن تاريحي قۇجات. ونى وقي وتى­رىپ, قازاقستاننىڭ بولاشاققا دەگەن باتىل ۇمتىلىسىن انىق اڭعاردىم. شىن مانىندە, قازاقستان پرەزيدەنتىنىڭ جولداۋىنان سىرت قالعان ماسەلە جوق. وندا الەۋمەتتىك-تۇرمىستىق تۇيتكىلدەردىڭ بارلى­عى اتاپ كورسەتىلىپ, ودان شىعۋ­دىڭ جولدارى ايقىندالعان. قا­زاق­ستاننىڭ بارلىق ايماعىن سا­پالى جولدارمەن بايلانىستىرۋ, شاعىن جانە ورتا كاسىپكەرلىكتى دامىتۋ, يندۋستريالىق ينفرا­قۇرى­لىمداردى قالىپتاستىرۋ, الەۋمەتتىك سالاداعى: ءبىلىم بەرۋ, دەنساۋلىق ساقتاۋ, جاستارعا قولداۋ كورسەتۋ ماسەلەلەرىنە ايرىقشا ءمان بەرۋ, حالىقتى تۇرعىن ۇيمەن قامتۋ, ءار وتباسىنىڭ الەۋمەتتىك تۇرمىسىن جاقسارتۋ جولداۋدىڭ باسىم باعىتتارى بولىپ وتىر. مەن تۇركيا مەملەكەتىنىڭ ازا­ماتى بولسام دا, ءومىرىمنىڭ ەڭ ماڭىزدى كەزەڭدەرى قازاقستانمەن باي­لانىستى ءوتىپ كەلەدى. وسى ەلدە ءبىلىم الدىم, العاشقى ەڭبەك جولىم­دى باستادىم, پەرزەنتتەرىمدى دە قازاق توپىراعىندا ءوسىرىپ جاتىرمىن. مەن دە قازاق ەلىنىڭ دامۋىنا ۇلەس قوسۋشى ازامات رەتىندە مەملەكەت باسشىسىنىڭ جولداۋىنداعى «قازاقستاننىڭ شىققان شىڭى مەن باعىندىرعان بيىكتەرىنىڭ ەڭ باستى سەبەبى – بىرلىك, بەرەكەسى», – دەگەن تەرەڭ ماعىنالى تۇجىرىمدى قۋاتتايمىن. پرەزيدەنت ۇنەمى ەلىمىزدەگى ىشكى بىرلىكتى نىعايتۋعا, ۇلتتار تاتۋلىعىنا سەلكەۋ تۇسىرمەۋگە, ۇلت پەن ۇلىستاردىڭ تاتۋلىعى مەن بىرلىگى مەملەكەت تۇراقتىلىعىنىڭ كىلتى ەكەندىگىن ءاردايىم ەستە ساقتاۋعا شاقىرىپ كەلەدى. وسى جولداۋدا دا ەل بىرلىگىنە ايىرىقشا نازار اۋدارىلعان. جالپى, نۇرسۇلتان نازار­باەۆتىڭ ءمان-ماڭىزى جوعارى جولداۋى قازاقستاننىڭ وركەندەۋىنە سەرپىلىس بەرەتىنىنە, ەلدى جارقىن بولاشاققا باستايتىنىنا سەنىمىم زور. بۇل قۇجاتتا قامتىلعان ماسەلەلەردى بارشا قازاقستاندىق تەرەڭ ۇعىنا بىلسە, ەلدىڭ ءورىسى كەڭەيىپ, وركەنى وسە تۇسەرى ءسوزسىز. ورحان وزتومسۋك, «نۇر وردا» قازاق-تۇرىك ليتسەي كەشەنىنىڭ ديرەكتورى. استانا.