فوتو: جوعارعى سوت
اگەنتتىك باق-تىڭ سۇراۋىمەن وسى ءىستىڭ ءمان-جايىن تارقاتتى.
«سىبايلاس جەمقورلىققا قارسى قىزمەت ق. بيشىمباەۆتىڭ تۋىستارىنىڭ ءوتىنىشى بويىنشا ەلوردا تۇرعىنى «گ»-عا قاتىستى سوتقا دەيىنگى تەرگەۋ جۇرگىزىپ جاتىر. ول اسا ءىرى مولشەردە الاياقتىققا وقتالعانى, ياعني ق. بيشىمباەۆتىڭ ۇكىمىن جەڭىلدەتۋ سىلتاۋىمەن الداۋ ارقىلى 100 ملن تەڭگەنى يەمدەنۋ بويىنشا كۇدىككە ءىلىندى», دەلىنگەن انتيكور حابارلاماسىندا.
سونىمەن قاتار كۇدىكتىنىڭ ءىس-ارەكەتى اسا ءىرى مولشەردە پارا بەرۋگە يتەرمەلەۋ بويىنشا دا سارالاندى.
بۇل ىسكە قاتىستى كۇدىكتىنىڭ قىلمىستىق ارەكەتى باسقا ەپيزودتار بويىنشا دا تەكسەرىلىپ جاتىر.
كۇدىكتى سوتتىڭ سانكتسياسىمەن قاماۋعا الىندى. تەرگەۋ جالعاسىپ جاتىر.
قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.
