تاۋەلسىز ساراپشىنىڭ ساپارى

بۇۇ-نىڭ ارنايى بايانداما­شىسى ماينا كياي كەشە قازاق­ستانعا كەلدى. ول ەلىمىزدە 27 قاڭتارعا دەيىن بولادى. ساپارى بارىسىندا كياي قازاقستانداعى بەيبىت جينالىستار مەن ەركىن بىرلەستىكتەر قۇقىعى قالاي جۇزەگە اسىرىلىپ جاتقانىن باعالايدى. بۇل مانداتى بۇۇ-نىڭ ادام قۇقىقتارى جونىندەگى كەڭەسىنىڭ قارارىنا سايكەسەتىن تاۋەلسىز سا­راپ­شىنىڭ قازاقستانعا ال­عاش­­قى ساپارى بولىپ تابى­لادى. «بەي­بىت جينالىستار مەن ەر­كىن ءبىر­لەستىكتەرگە قۇقىق بەرۋ دەموكرا­تيا مەن دامۋدىڭ اجىرا­ماس ءبىر بولشەگى بولىپ تابىلادى. مەم­­لەكەت وسى قۇقىق­تاردى تو­لىق كو­لەمىندە قۇرمەتتەۋى جانە قور­­عاۋى ءتيىس», دەيدى تاۋەلسىز ساراپشى. ماينا كياي ساپارى بارى­سىندا بەيبىت جينالىستار وتكىزۋ قازاقستاندا قاي دەڭگەيدە جۇزەگە اسىرىلاتىنىمەن تانىساتىن بولادى. بۇدان بولەك, ول قوعامدىق بىرلەستىكتەر, كاسىبي وداقتار, ساياسي پارتيالار مەن ءدىني بىرلەستىكتەر قالاي تىركە­لەتىنى ماسەلەلەرىن زەرتتەپ كور­مەك. سونىمەن قاتار, جاقىندا قابىل­دانعان جاڭا قىلمىستىق كودەكس پەن اكىمشىلىك قۇقىق بۇزۋشىلىق تۋرالى كودەكس حاقىندا اقپارات الۋ نيەتى بار ەكەن. مەملەكەتتىڭ شاقىرۋى بو­يىن­شا ەلىمىزگە كەلىپ وتىرعان كياي مىرزا كەشە الماتى قالا­سىندا بولدى. ول الماتى قالاسى اكىمىنىڭ ورىنباسارى س.امانجولوۆامەن, ىشكى ساياسات باسقارماسىنىڭ باسشىسى س.بو­قاەۆپەن جانە الماتى قالا­لىق ادىلەت دەپارتامەنتىنىڭ باس­شىسى د.ايتمۇحامەتوۆپەن كەز­دەستى. سونىمەن قاتار, الماتى قالا­سى مامانداندىرىلعان اۋدانارا­لىق اكىمشىلىك سوتىنىڭ ءتور­اعاسى ب.تاجىحانوۆپەن جانە الماتى قالاسىنىڭ پروكۋرورى ب.اسىلوۆپەن جۇزدەستى. كەزدەسۋ­لەردە شەرۋ, ميتينگتەر وتكىزۋ ماسەلەلەرى جان-جاقتى ءسوز بولدى. تۇتاستاي العاندا, كەزدەسۋلەر جاقسى ءوتتى جانە تاراپتار اراسىندا ەشقان­داي كەلىسپەۋشىلىكتەر مەن ءتۇسىنىس­پەۋ­شىلىكتەر ورىن العان جوق. ماينا كياي ەرتەڭ استاناعا كەلەتىن بولادى. ونىڭ سونداي-اق, اقتاۋ جانە جاڭاوزەن قالالارىنا ساپارى جوسپارلانعان. وندا ول مەم­لەكەتتىك ورگاندار, سوت ور­گان­دارى جانە ازاماتتىق قوعام ۇيىم­دارى وكىلدەرىمەن كەزدەسەتىن بولادى. بۇۇ-نىڭ تاۋەلسىز ساراپشىسى ءوزىنىڭ ساپارىن باس ۇيىمنىڭ ادام قۇقىقتارى جونىندەگى ۇسىنىمدامالارى مەن ونى جۇزەگە اسىرۋدىڭ باسقا دا تەتىكتەرى قالاي ورىندالىپ جاتقانىن ءوز كوزىمەن كورىپ تالقىلاۋعا جاقسى مۇمكىندىك دەپ قاراستىرىپ وتىر. تاۋەلسىز ساراپشى ءوزىنىڭ قازاقستانعا ساپارى تۋرالى ناقتى ەسەبىن الداعى ماۋسىم ايىندا وتەتىن بۇۇ-نىڭ ادام قۇقىقتارى جونىندەگى كەڭەسى سەسسياسىندا ۇسىناتىن بولادى. «ەگەمەن-اقپارات».