بەتون حيميالىق رەاگەنتتەردەن زارداپ شەكپەيدى

وتكەن جىلى ورال اۋەجايى­نىڭ ۇشۋ-قونۋ جولاعىنا كۇردەلى جوندەۋ جۇرگىزىلدى. ەكى كەزەڭنەن تۇراتىن بۇل ءىس بيىل ودان ءارى جال­عاسپاق. الايدا, كوپ ۋاقىت ءوت­پەي-اق بىتكەن ىسكە سىنشى كوپ دەگەندەي, اتقارىلعان جۇمىس­تىڭ ساپاسىنا كىنا ارتۋشىلار دا تابىلدى. اتاپ ايتقاندا, ولار جاڭادان توسەلگەن ۇشۋ-قونۋ جولاعىنىڭ بەتوننان قۇ­يىل­عانىن, بۇل ءتاسىل كۇزگى-قى­س­قى كەزەڭدەردە اۋە كولىك­تەرى­نىڭ قوزعالىس قاۋىپسىز­دىگىنە نۇقسان كەلتىرەتىنىن تىلگە تيەك ەتتى. سونىمەن بىرگە, وسى پىكىر­دى العا تارتۋشىلاردىڭ تۇجىرىم­داۋىنشا, بەتونعا ونى قار مەن مۇزدان تازارتۋعا سەپتىگىن تيگى­زەتىن حيميالىق رەاگەنتتەر سەبىلگەن جاعدايدا بۇل فاكتور اتالعان ماتەريالدىڭ ىستەن تەز شىعۋىنا اسەر ەتپەك. راسىندا دا سولاي ما؟ مۇن­داي ءارتۇرلى الىپقاشپا پىكىر­لەر­دىڭ انىق-قانىعىنا جەتۋ ماق­ساتىن­دا وتكەن اپتادا رەس­پۋب­لي­كا­داعى ازاماتتىق اۆياتسيا كو­مي­تەتىنىڭ ساراپشى مامان­دارى ورال اۋەجايىنداعى ۇشۋ-قونۋ جو­لاعىنا جۇرگىزىلگەن جۇ­مىس­تاردىڭ ساپا­سىن قارادى. ونىڭ ناتيجەسىنە قاتىستى ينۆەس­تيتسيا­لار جانە دامۋ مينيسترلىگى ازا­مات­تىق اۆيا­تسيا كوميتەتى ءتور­اعا­سى­نىڭ ورىنباسارى سەرىك مىق­تىباەۆ باق وكىلدەرىنە بىلاي دەدى. – ۇشۋ-قونۋ جولاعىن بەتونمەن بەكەمدەۋ الەمدىك تاجىريبەدە كەڭىنەن قولدانىلادى. ويتكەنى, بۇل ءوندىرىس ءونىمى اۋا رايىنىڭ كەز كەلگەن قۇبىلىسىنا ءتوزىمدى كەلەدى. ءارى ۇزاق ۋاقىتقا دەيىن بۇزىلمايدى. سونىڭ ىشىندە مۇنداعى جولاقتىڭ پايدالانۋ مەرزىمى 15-20 جىلدان كەم تۇسپەيدى. ال بەتوننىڭ حيميالىق رەاگەنتتەرگە قاتىستى رەاكتسياعا ءتۇسۋ تارتىبىنە كەلسەك – بۇل بۇدان مۇلدەم زارداپ شەكپەيدى. تەك ءبىر قوسارىمىز مۇنىڭ وزىندىك قولدانىلۋ تەحنولوگياسى مەن تىزبەسى بار. وسى ءتارتىپ تولىقتاي ورىندالعان جاعدايدا جىلدىڭ ءتورت مەزگىلىندە ۇشۋ-قونۋ جولا­عىن الاڭسىز پايدالانا بەرۋگە بولادى. بۇگىنگى كۇنى اتالعان حيميالىق رەاگەنتتەردىڭ تىزبەسى ءبىزدىڭ تاراپىمىزدان اۋەجاي يەلەرىنە جەتكىزىلدى. بۇدان ءارى ول ورال اۋەجايىندا وتكەن جىلى توسەلگەن ۇشۋ-قونۋ جولاعى بۇگىنگى اۆياتسيالىق قاۋىپ­سىزدىك تالاپتارىنا تولىق سايكەس كەلەدى دەگەن ءتۇيىن جاسادى. تەمىر قۇسايىن, «ەگەمەن قازاقستان». ورال.