فوتو: 365info.kz
«مونيتورينگ جۇيەسىنىڭ وتاندىق وندىرۋشىلەردى, مەملەكەتتىك ساتىپ الۋداعى وتاندىق ۇلەستى قولداۋعا ىقپال ەتۋى وتە ماڭىزدى. پرەزيدەنتىمىز مەملەكەتتىك ساتىپ الۋلارداعى ەلىشىلىك قۇندىلىعىمىزدىڭ ۇلەسىن 60 پايىزعا دەيىن جەتكىزۋدى مىندەت ەتىپ قويدى. قازىر ءسىز 50 پايىزى قامتاماسىز ەتىلگەن دەپ ايتىپ وتىرسىز. ءبىز كاسىپكەرلەرمەن كەزدەسۋلەردە وسى ماسەلەگە باسا نازار اۋدارىپ كەلەمىز. سول كەزدە ولار كەيبىر جەتكىزۋشىلەر ءونىمدى باسقا ەلدەردەن جەتكىزىپ, وعان «قازاقستاندا جاسالعان» لوگوتيپىن جاپسىرىپ قوياتىنىن ايتادى. وسىلايشا, ولار تەندەرلەرگە قاتىسىپ, دەمپينگ پەن تومەن باعا ەسەبىنەن ۇتىپ الۋ مۇمكىندىگىنە يە. ەگەر وسى زاڭدى دەپۋتاتتار قولداسا جانە وعان مەملەكەت باسشىسى قول قويسا, مونيتورينگ جۇرگىزەتىن جۇيەنىڭ قۇرىلۋىنا ىقپال ەتەدى دەپ ۇمىتتەنەمىز. سونداي-اق مەملەكەتتىك ورگاندار ءوز ونىمدەرىن وندىرەتىن, جۇمىس ورىندارىمەن قامتاماسىز ەتەتىن, سالىق تولەيتىن ناقتى وتاندىق وندىرۋشىلەردى قولدايدى دەپ سەنەمىز», دەدى سەنات توراعاسى.
پالاتا سپيكەرى زاڭنامالىق تۇزەتۋلەردىڭ ماڭىزىنا نازار اۋدارىپ, مەملەكەت باسشىسى جولداۋدا ساتىپ الۋدىڭ جاڭا ساپالى جۇيەسىن ەنگىزۋدى تاپسىرعانىن تىلگە تيەك ەتتى.
ەسكە سالايىق, بۇگىن وتكەن پالاتا وتىرىسىندا سەناتورلار بىرقاتار زاڭدى قارادى. ونىڭ ىشىندە «مەملەكەتتiك ساتىپ الۋ تۋرالى» زاڭ جانە وعان ىلەسپە زاڭدار دا بار.
