جانى قازاق حيزمەتلي

ەلىمىز تاۋەلسىزدىك العالى بەرى بۇكىل الەم مويىنداعان مەملەكەتكە اينالدى. ەلباسىنىڭ شەت مەملەكەتتەرمەن جۇرگىزىپ وتىرعان تولەرانتتىلىق ساياساتىنىڭ ارقاسىندا قازاقستاندىقتارعا شەتەلدەرگە بارىپ وقۋعا جول اشىلدى. بۇل جاستار اراسىندا شەت تىلدەرىن ۇيرەنۋگە دەگەن تالپىنىستىڭ پايدا بولۋىنا تۇرتكى بولۋدا. بۇگىندە ەلباسىنىڭ وسى ءبىر ساليقالى ساياساتىنا قولداۋ كورسەتىپ قانا قويماي, ەلىمىزدە جيىرما جىلدان استام ۋاقىت ەڭبەك ءسىڭىرىپ, مەملەكەتتىك تىلدە ەركىن سويلەي ءجۇرىپ, قازاق ءتىلىنىڭ مارتەبەسىن ارتتىرىپ, سونداي-اق الدىڭعى قاتارلى ءبىلىم ورداسىنىڭ اشىلۋىنا ۇلەس قوسىپ, جاستاردىڭ شەت ەلدە ءبىلىم الۋىنا قولداۋ كورسەتىپ, ىزگىلىك پەن يماندىلىق نۇرىن سەپكەن ۇلاعاتتى ۇستاز, بىلىكتى باسشى رەتىندە تانىلعان شەت تىلدەر جانە ىسكەرلىك كارەرا ۋنيۆەرسيتەتىنىڭ رەكتورى, دوكتور, پروفەسسور سابري حيزمەتلي مىرزانىڭ وسى ءبىر ونەگەلى ءىسىن وزىمشە تىلگە تيەك ەتۋدى ازاماتتىق پارىزىم دەپ سانايمىن. ءار جىل سايىن جاڭارۋ مەن جاڭعىرۋعا بەت العان اتالمىش ءبىلىم ورداسى, ولشەۋى جوق ەڭبەكتىڭ تابىستى بولۋى ءبىلىم مەن بىلىكتىلىككە بايلانىستى ەكەندىگىن ۇقتىرا تۇسۋدە. وتكەن جىلى سابري حيزمەتلي مىرزانىڭ قولداۋىمەن ىزگى نيەت پەن جاقسى تىلەكتەردىڭ جارشىسىنداي بولىپ تۇركيا مەملەكەتىنەن ءبىر توپ دەلەگاتسيا كەلگەن ەدى. سول جولى شەت ەلدە ءبىلىم العىسى كەلەتىن جاستاردىڭ تالابىن شىڭداي وتىرىپ, ولاردىڭ تۇركيا مەملەكەتىنىڭ ءبىلىم گرانتىمەن تەگىن ءبىلىم الۋىنا جاعداي جاساۋ تۇرعىسىندا 2013-2014 وقۋ جىلىنىڭ ماۋسىم ايىندا ۋنيۆەرسيتەت جانە ۋنيۆەرسيتەتكە قاراستى الماتى قازاق-تۇرىك گۋمانيتارلىق-تەحنولوگيالىق كوللەدجى مەن مەكتەپ تۇلەكتەرى ءبىلىم گرانتىنا سىناق تاپسىردى. وسى سىناقتان سۇرىنبەي وتكەن 100 تالاپكەر بۇگىندە تۇركيا مەملەكەتىندە وقۋعا جولداما الىپ وتىر. بۇل ەكى مەملەكەت اراسىنداعى دوستىق پەن ىن­تىماقتاستىقتىڭ ودان ءارى نىعايۋىنا وڭ اسەرىن تيگىزە وتىرىپ, ءوز ءىسىنىڭ بىلىكتى مامانى بولا بىلگەن سابري حيزمەتلي سىندى ازاماتتىڭ تاباندى ەڭبەگىنىڭ جەمىسى دەپ بىلەمىن. الماتى قالاسىندا بوي كوتەرگەن شەت تىلدەر جانە ىسكەرلىك كارەرا ۋنيۆەرسيتەتىنىڭ سانالى تاربيە جانە ساپالى ءبىلىم نارىمەن سۋسىنداتقان بىرەگەي ءبىلىم ورداسى رەتىندە تانىلۋىنا ايانباي تەر توگىپ جۇرگەن جەمقورلىققا جانى قاس بىلىكتى مامان ءبىلىم ورداسىنداعى ءاربىر وقىتۋشى مەن ستۋدەنت جاستاردىڭ جەمقورلىققا قارسى كۇرەسىپ, زامان تالابىنا ساي ەڭبەك ەتە وتىرىپ ادالدىقتى ءپىر تۇتۋىن دا كوزدەن تاسا قىلماۋدا. ول سونىمەن قاتار, وقۋ ورنىنىڭ ىشكى جانە سىرتقى تازالىعىنان باستاپ, وقۋ ءۇردىسىنىڭ تالاپتارعا ساي جۇرگىزىلۋىنە, وقىتۋشى-پروفەسسورلاردىڭ ءوز بىلىمدەرىن ۇدايى شىڭداپ, تاجىريبە جۇزىندە ىسكە اسىرا بىلۋىنە دە قولداۋ كورسەتىپ كەلەدى. ءبىلىم ورداسىنا ۇمىتكەرلەر سانى دا جىل سايىن ارتا تۇسۋدە. بۇل ءبىلىم ورداسىنىڭ زامان تالابىنا ساي ماماندار دايارلاۋداعى ۇلكەن كورسەتكىشى بولىپ تابىلادى. سونداي-اق, ۋنيۆەرسيتەتىمىز زاماناۋي ۇلگىدە, ياعني ەۋروستاندارت نەگىزىندە سالىنعان جاتاقحانامەن دە قامتاماسىز ەتىلگەن. ستۋدەنتتەردىڭ تاربيەسى مەن ءتارتىبى ءجىتى قاداعالانا وتىرىپ, ءۇش مەزگىل تاماعى مەن جاتار ورنىنىڭ گيگيەناسى ساقتالىپ, ءبىلىم الۋىنا بارلىق جاعداي جاسالعان. بيىلعى وقۋ جىلىندا مەملەكەتتىك اتتەستاتسيالاۋدا جاقسى ناتيجە كور­سەت­كەن وقۋ ورنىندا جاستاردىڭ باتىس جانە شىعىس تىلدەرىن جەتىك مەڭ­گە­رۋىنە, ءوز بىلىمدەرىن شەتەلدە شىڭ­داپ, ماشىقتانۋدان وتۋىنە دە جاع­داي جاسالۋدا. سوزىمىزگە دالەل ۋنيۆەر­سيتەتىمىزدەن جيىرما ماگيسترانت ءتۇر­كيا مەملەكەتىندە بىلىمدەرىن شىڭ­داپ قايتتى. بۇل دا ۋنيۆەرسيتەت باس­شىسىنىڭ قولداۋىمەن جۇزەگە اسىرىلىپ وتىرعان ەكى مەملەكەت اراسىنداعى دوستىق قارىم-قاتىناستىڭ نىشانى. وسى ماقساتتا بارعان بولاشاق جاس عا­لىمدار تۇرىك حالقىنىڭ پاتريوتتىق سەزىمىنىڭ وتە جوعارى دارەجەدە ەكەندىگىنە كوز جەتكىزە وتىرىپ, تۇرىك حالقىنىڭ قو­ناق­­­جايلىلىعىنا دا ءدان ريزا بولعان ەدى. وسىنداي يگى ىستەرىمەن كوزگە تۇسكەن ۇلاعاتتى باسشى بۇگىندە ۇلكەن-كىشىنىڭ بىردەي قۇرمەتىنە بولەنۋدە. تۇركيا ازاماتى بولا وتىرىپ, قازاق جەرىندە ەلىمىزدىڭ كوركەيۋىنە جانە قازاق ءتىلىنىڭ قولدانىس اياسىنىڭ كەڭەيۋىنە زور ۇلەسىن قوسىپ جۇرگەن ۇلاعاتتى عالىمنىڭ وسى ءبىر ونەگەلى ءىسىنىڭ انا تىلىنە نەمقۇرايلى قارايتىن كەيبىر ازاماتتارعا ۇلگى بولارى انىق. قازىرگى تاڭدا سابري بەي اسىل جارى حۋريە حانىممەن بىرگە ۇل-قىز ءوسىرىپ, شاڭىراعىنىڭ شاتتىعىن شالقىتىپ, ءسانىن كەلتىرىپ, وتباسىنا مەيىرىمىن توگىپ, ۇل-قىزدارىنىڭ تىرنەكتى تىرشىلىكتەرىنە ءسۇيسىنىپ وتىرعان باقىتتى جانداردىڭ قاتارىندا. كورگەن-بىلگەندەرىن قى­زىل ءتىلدىڭ مايىن تامىزىپ سۋرەتتەپ بە­رەتىندەي جازۋشىلىق قاسيەتكە يە بول­ماسام دا, جانى جاقسىلىققا تولى ۇلكەندەرىمىزدىڭ قاتارى كوبەيە بەر­سىن, ءارى كەيبىر انا تىلىنە نەمقۇرايلى قارايتىن ازاماتتارىمىزدىڭ وسىنداي ۇلاعاتتى عالىمداردان ۇلگى الىپ, بوي تۇزەۋىنە ىقپال ەتسە نۇر ۇستىنە نۇر بولار ەدى دەگەن نيەتپەن باستاعان جازبامدى جانىمىزدا جۇرگەن ونەگەلى جاقسىلاردىڭ قادىرىن ءبىلىپ, قۇرمەت تۇتايىق دەپ اياقتاعىم كەلەدى. جاننا سۇلەيمەنوۆا, الماتى قازاق-تۇرىك گۋمانيتارلىق- تەحنولوگيالىق كوللەدجىنىڭ مامان وقىتۋشىسى. الماتى.