فوتو:gov.kz
جىل باسىنان بەرى رەسپۋبليكالىق بيۋدجەتتەن 1 ترلن 549,3 ميلليارد تەڭگە كولەمىندە زەينەتاقى تولەنسە, ونىڭ 487,5 ميلليارد تەڭگەسى بازالىق زەينەتاقىنى تولەۋگە, 1 ترلن 61,8 ملرد ىنتىماقتى زەينەتاقىعا باعىتتالدى.
«2024 جىلعى 1 ماۋسىمداعى جاعداي بويىنشا زەينەتكەرلەردىڭ سانى 2 ملن 383 مىڭ ادامدى قۇرايدى. 2024 جىلعى 1 ماۋسىمداعى جاعداي بويىنشا ورتاشا جالپى زەينەتاقى 132 401 تەڭگەنى قۇرادى, ونىڭ ىشىندە ىنتىماقتى زەينەتاقى مولشەرى - 89 697 تەڭگە, بازالىق زەينەتاقى - 42 704 تەڭگە», دەپ حابارلادى مينيسترلىكتىڭ ءباسپاسوز قىزمەتى.
سونداي-اق مينيسترلىك 2018 جىلدىڭ 1 شىلدەسىنەن باستاپ مەملەكەتتىك بازالىق زەينەتاقى تولەمى ءاربىر الۋشىعا ونىڭ زەينەتاقى جۇيەسىنە قاتىسۋ ءوتىلى ەسكەرىلە وتىرىپ, جەكە تاعايىندالاتىنىن ەسكە سالدى. بۇل رەتتە, زەينەتاقى جۇيەسىنە قاتىسۋ وتىلىنە 1998 جىلعى 1 قاڭتارداعى جاعداي بويىنشا ىنتىماقتاستىعى جۇيەسىندە ازىرلەنگەن ەڭبەك ءوتىلى, سونداي-اق مىندەتتى زەينەتاقى جارنالارى (مزج) تولەنگەن كەزەڭدەر كىرەدى.
وسىلايشا, ەگەر زەينەتاقى جۇيەسىنە قاتىسۋ ءوتىلى 10 جىل جانە ودان از بولسا, سونداي-اق ول بولماعان جاعدايدا بازالىق زەينەتاقىنىڭ مولشەرى ەڭ تومەنگى كۇنكورىس دەڭگەيىنىڭ 65%-ىنا تەڭ بولسا, وندا 10 جىلدان اساتىن ءاربىر جىل ءۇشىن ونىڭ مولشەرى 2%-عا ارتادى. مىسالى, 20 جىل قاتىسۋمەن بازالىق زەينەتاقى ەڭ تومەنگى كۇنكورىس دەڭگەيىنىڭ 85 پايىزىن قۇرايدى. 30 جانە ودان دا كوپ جىل ەڭبەك ءوتىلى بولعان جاعدايدا ول ەڭ جوعارى مولشەردە – ەڭ تومەنگى كۇنكورىس دەڭگەيىنىڭ 105% مولشەرىندە بەلگىلەنەدى.
وسىلايشا, مىندەتتى زەينەتاقى جارنالارى نەعۇرلىم جۇيەلى جانە تولىق اۋدارىلسا, زەينەت جاسىنداعى بازالىق زەينەتاقى تولەمدەرىنىڭ مولشەرى سوعۇرلىم كوپ بولادى.
قىرمىزى جۇماعاليقىزى,
ەۇۋ ستۋدەنتى
