فوتو: سكرينشوت
وڭىرلىك توتەنشە جاعدايلار دەپارتامەنتىنىڭ ءباسپاسوز قىزمەتى ءمالىم ەتكەندەي قازاندىقتا وتىن رەتىندە سۇيىتىلعان گاز پايدالانىلعان.
«19 ماۋسىمدا ساعات 19.39-دا پاۆلودار قالاسىندا مونشا-كىر جۋ كەشەنى اۋماعىنداعى قازاندىقتىڭ ءبىر قاباتتى عيماراتىندا جارىلىس بولدى. بۋ قازاندىعىندا ساڭىلاۋ پايدا بولىپ, سالدارىنان گاز-اۋا قوسپاسىنىڭ جارىلىسى تۋىنداپ, عيماراتتىڭ جالپى اۋماعى 20 شارشى مەتر قابىرعاسى قۇلادى جانە سول ماڭدا تۇرعان جەڭىل كولىكتەر زاقىمداندى. قۇرباندار مەن زارداپ شەككەندەر جوق», دەپ مالىمدەدى دەپارتامەنتتەن.
اتالعان وقيعا بويىنشا تجد-ءنىڭ 9 قىزمەتكەرى جانە 4 قۇتقارۋشى, اپاتتار مەديتسيناسى ورتالىعى جانە پوليتسيا دەپارتامەنتى قىزمەتكەرلەرى جۇمىلدىرىلعان.
