جەرەبە تارتىلدى

ۋەفا چەمپيوندار ليگا­سىنداعى تۇساۋكەسەر كەزدەسۋىن «ور­داباسى» مولدوۆانىڭ «پەترو­كۋبىنا» قارسى وتكىزەدى. «حىن­چەشت» دەپ اتالاتىن نەبارى 12,5 مىڭ تۇرعىنى بار قالاشىقتا ىرگەتاسى قالانعان ۇجىم اتالعان مەملەكەتتىڭ سۋپەرليگاسىندا

2015 جىلدان بەرى ونەر كورسەتىپ كەلەدى. سول ارالىقتا ەل بىرىن­شى­لىگىندە ەكى رەت كۇمىس جانە ءۇش رەت قولا مەدالدى يەلەندى. بىلتىر باس جۇلدەنى قانجىعالارىنا بايلادى. سونداي-اق «پەتروكۋبتىڭ» مولدوۆا كۋبوگىنىڭ يەگەرى دەگەن اتاعى بار. العاشقى ويىن شىم­كەنتتە (9 نەمەسە 10 شىلدەدە), ەكىنشىسى حىنچەشتتە (16 نەمەسە 17 شىلدەدە) وتەدى.

ۋەفا ەۋروپا ليگاسىنداعى «توبىل» سلوۆاكيانىڭ «رۋجوم­بەروگىمەن» سايىسقا تۇسەدى. ولار – ءوز ەلىنىڭ 2006 جىلعى چەم­پيونى, 2022 جىلعى كۇمىس جانە 2001, 2004, 2017, 2019 جىل­دارداعى قولا جۇلدەگەرى. 2006 جىلى سلوۆاكيا كۋبوگىن ول­جالادى. قوستانايلىق كلۋب ءبى­رىنشى باسەكەنى سىرتتا, ەكىنشى­سىن ءوز الاڭىندا وتكى­زەدى. كون­فەرەنتسيا ليگاسىنداعى «اق­توبەنىڭ» قارسىلاسى – «سا­راەۆو».  ولار يۋگوسلاۆيا چەم­پيوناتىن ەكى, بوسنيا مەن گەرتسەگوۆينا بىرىن­شىلىگىن بەس مارتە ۇتتى. ەل كۋبوگى جولىنداعى دودادا جەتى رەت دارا شىقتى. بۇل ويىندار 11 مەن 18 شىلدە كۇن­دەرى وتەدى دەپ جوسپارلانىپ وتىر. ال «استانا» بۇل ءتۋرنيردى ەكىنشى كەزەڭنەن باس­تايدى.