فوتو: انتيكور
اتىراۋ قالاسىنىڭ №2 سوتىمەن وبلىستىق مەملەكەتتىك ەڭبەك ينسپەكتسياسى باسقارماسىنىڭ ءبولىم باسشىسى س. دجاباسوۆقا قاتىستى سوت ۇكىمى جاريالاندى.
«ول كاسىپكەردىڭ اقشاسىن الاياقتىق جولمەن جىمقىرۋعا وقتالعانى جانە وندىرىستە ەكى قىزمەتكەردىڭ قايتىس بولۋى فاكتىسى بويىنشا وعان قاتىستى قىلمىستىق قۋدالاۋدى توقتاتۋعا بايلانىستى لاۋازىمدى ادامدارعا پارا بەرۋگە يتەرمەلەگەنى ءۇشىن سوتتالدى», دەلىنگەن رەسمي اقپاراتتا.
سوت ۇكىمىمەن س. دجاباسوۆقا مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 4 جىلعا باس بوستاندىعىنان ايىرۋ جازاسى تاعايىندالدى.
الدىن الۋ شارالارى اياسىندا پروتسەسكە ونلاين رەجيمدە ەڭبەك ينسپەكتسياسى باسقارماسىنىڭ قىزمەتكەرلەرى قوسىلدى.
ۇكىم زاڭدى كۇشىنە ەنگەن جوق.
