فوتو: ۇلتتىق ۇلان ءباسپاسوز قىزمەتى
انىقتالعانداي, اقبۇلاق وزەنىنىڭ جاعاسىندا جۇرگەن قالالىق №63 مەكتەپتىڭ 10 سىنىپ وقۋشىسى وزەننىڭ بەرگى بەتىنەن ارعى بەتكە دەيىن ءجۇزىپ وتپەك بولعان. سالدارىنان وقۋشى سۋدان ءوز بەتىنشە شىعا الماي قالعان.
وسى ۋاقىتتا اسكەري ءبولىمنىڭ ساربازى قاتارداعى جاۋىنگەر الىشەر ماحمەت جاعدايدى جەدەل باعامداپ, كومەكتەسۋ ءۇشىن بىردەن سۋعا تۇسكەن. اقىرى 2008 جىلى تۋعان بالانى سۋدان امان الىپ شىقتى.
«سۋ ورتاسىندا قالىپ, كومەككە شاقىرعان جىگىتتى كورىپ, دەرەۋ ارەكەتكە كوشتىك. وتە ماڭىزدى شەشىم قابىلدادىم. جولدا شەشىنىپ, سۋعا باتىپ بارا جاتقان ءجاسوسپىرىمدى جاعاعا شىعارۋ ءۇشىن سۋعا سەكىردىم. كەيىن ءوتىپ بارا جاتقان ادامدار شاقىرعان جەدەل جاردەم قىزمەتكەرلەرى دە كەلدى», دەدى مەكتەپ وقۋشىسىن قۇتقارىپ قالعان جاۋىنگەر الىشەر ماحمەت.
