شىمكەنت قىلمىستىق ىستەر جونىندەگى مامانداندىرىلعان اۋدانارالىق سوتى جابىق سوت وتىرىسىندا ي-گە قاتىستى قىلمىستىق ءىستى قارادى. 19 جاستاعى قالا تۇرعىنى كامەلەتكە تولماعان بالاعا جىنىستىق سيپاتتاعى زورلىق-زومبىلىق جاسادى دەگەن كۇدىككە ىلىنگەن.
سوت مالىمەتىنشە, ي. 2023 جىلعى قازاننىڭ اياعىندا 2013 جىلى تۋعان كامەلەتكە تولماعان م-نىڭ دارمەنسىز جاعدايىن پايدالانىپ, وعان قارسى بىرنەشە رەت جىنىستىق سيپاتتاعى زورلىق-زومبىلىق ارەكەت جاساعان.
- سوتتىڭ قورىتىندىلارى كامەلەتكە تولماعان جابىرلەنۋشىنىڭ زاڭدى وكىلىنىڭ ايعاقتارى, سوتتالۋشىنىڭ سوتالدى تەرگەپ-تەكسەرۋ بارىسىندا بەرگەن مويىنداۋ ايعاقتارى, ساراپتامالاردىڭ قورىتىندىلارى جانە ءىستىڭ باسقا دا ماتەريالدارىمەن راستالادى. پروكۋرور قك-ءنىڭ 121-بابى 4-بولىگى بويىنشا 20 جىلعا باس بوستاندىعىنان ايىرۋ جازاسىن تاعايىنداۋدى سۇرادى. كامەلەتكە تولماعان جابىرلەنۋشىنىڭ زاڭدى وكىلى جانە ونىڭ ادۆوكاتى پروكۋروردىڭ ۇستانىمىمەن كەلىستى. قورعاۋشى تاراپ اقتاۋ ۇكىمىن شىعارۋدى سۇرادى, - دەدى شىمكەنت قىلمىستىق ىستەر جونىندەگى مامانداندىرىلعان اۋدانارالىق سوتى ءباسپاسوز قىزمەتى وكىلدەرى.
سوت ي-ءدى قك-ءنىڭ 121-بابى 4-بولىگى بويىنشا كىنالى دەپ تانىپ, وعان كامەلەتكە تولماعانداردى تاربيەلەۋگە بايلانىستى پەداگوگيكالىق لاۋازىمدار اتقارۋ قۇقىعىنان ءومىر بويىنا ايىرا وتىرىپ, ورتاشا قاۋىپسىزدىك قىلمىستىق-اتقارۋ جۇيەسىنىڭ مەكەمەلەرىندە 20 جىل مەرزىمگە باس بوستاندىعىنان ايىرۋ تۇرىندەگى جازانى تاعايىندادى. ۇكىم زاڭدى كۇشىنە ەنگەن جوق.
