قاراپايىم قازاق مەكتەبىنىڭ تۇلەگى الەمنىڭ 40 ۋنيۆەرسيتەتىنە شاقىرتۋ الدى. ونىڭ ىشىندە امەريكا, بىرىككەن اراب امىرلىكتەرى, وڭتۇستىك-شىعىس ازيا جوو-لارى بار. ول مالايزيادا وقۋدى تاڭدادى.
- ماعان كاسىپتىك باعدار بەرۋ بويىنشا پروفوريەنتولوگتار مەن مۇعالىمدەر كومەكتەستى. مەن 100 نەمەسە ودان دا كوپ ۋنيۆەرسيتەتكە قۇجات تاپسىردىم. ولاردىڭ 40-نا شاقىرتۋ الدىم. مەن مالايزيادا شامامەن 4-5 جىل وقيمىن. ودان كەيىن قازاقستانعا بارىپ, كاسىبىمدى دامىتۋدى جوسپارلاپ وتىرمىن, – دەدى تۇلەك سۋناۋللا وكتاموۆ.
17 جاستاعى الەكسەي كيمدى دە بىردەن الەمنىڭ 8 ۇزدىك ۋنيۆەرسيتەتى شاقىرعان. ول حالىقارالىق جانە رەسپۋبليكالىق وليمپيادالاردى جەڭگەن, بولاشاعىن IT تەحنولوگيالارمەن بايلانىستىرىپ وتىر.
- 11-سىنىپتىڭ باسىندا نيۋ-يورك-تە وقيمىن دەپ ويلادىم, سەبەبى ول ارمان قالا. سوندا قۇجات تاپسىرامىن دەپ شەشتىم. قازىر كورىپ وتىرعانىڭىزداي, ءبارى ويداعىداي بولدى. مەن گرانت جەڭىپ الدىم, – دەدى م.ح.دۋلاتي اتىنداعى №8 مامانداندىرىلعان گيمنازياسىنىڭ وقۋشىسى الەكسەي كيم.
