فام تحيەن مەن حوانگ مينگ سويلەي المايتىن ادامدارعا ارناپ قولعاپ جاسادى. قولعاپ ساۋساق قيمىلدارىن سوزگە اينالدىرادى ءارى دىبىستايدى. ءتىپتى اعىلشىن تىلىنە اۋدارىپ تا بەرەدى. كادىمگى قولعاپتان اۋمايتىن قۇرىلعى ەرەكشە جانداردىڭ ءبىر-بىرىمەن ەركىن قارىم-قاتىناس جاساۋىنا كومەكتەسەدى.
گيننەسكە ەنگەن مۇعالىم
شاكىرتتەرى ماتەماتيكادان حالىقارالىق وليمپيادادا 2413 مەدال العان وتانداسىمىز بار. ول – مۋاممەر گۇل.
ەرەكشە مۇعالىمنىڭ ساباق بەرىپ جۇرگەنىنە بيىل – 30 جىل. اقتوبەدە 14 جىل قىزمەت ەتىپ, كەيىن استاناعا اۋىسقان. ونىڭ شəكىرتتەرى ماتەماتيكادان 824 التىن, 390 كۇمىس, 1199 قولا جۇلدە العان. ء«بىز وليمپيادادا ەڭ جاقسى نəتيجەنى 2001 جىلى كورسەتتىك. سول جىلى امەريكاداعى IMO-عا اقتوبەدەن ءۇش وقۋشىمىز قاتىسىپ, ۇشەۋى دە التىن الدى. نەگىزىندە ودان التىن الۋ قيىن. Əلەمدە ءبىزدىڭ بالالار كورسەتكەن نəتيجەگە وسى ۋاقىتقا دەيىن ەشكىم جەتە قويمادى. بۇل جەتىستىگىمىز گيننەستىڭ رەكوردتار كىتابىنا تىركەلدى», دەيدى ول.
ەڭ كىشكەنتاي قالا
حۋم – 25 تۇرعىنى عانا بار ەرەكشە قالا. حورۆاتياداعى يستريا تۇبەگى توبەلەرىنىڭ بىرىندە ورنالاسقان. باياعىدا بەكىنىس بولعان دەسەدى.
حۋم ورنالاسقان توبەنىڭ ەڭ بيىك نۇكتەسى – تەڭىز دەڭگەيىنەن 350 مەتر بيىكتىكتە. ءبىر قىزىعى, حۋم قالا مارتەبەسىن ورتا عاسىرلاردا العان. حح عاسىردا شامامەن 450 ادام ءومىر سۇرگەن, ال قازىر جەرگىلىكتى تۇرعىندار سانى 25-تەن اسپايدى. قالادا اپتاسىنا ەكى رەت جۇمىس ىستەيتىن دۇكەن, ەكى شىركەۋ, كۇنىنە ءۇش رەت قاتىنايتىن اۆتوبۋس, ەكى كوشە, كىشىگىرىم مەيرامحانا, 16 كوشە جارىعى, 13 ءۇي بار.
