ناتيجەسىندە, «استانا – الماتى» تاسجولىنىڭ جامبىل وبلىسى اۋماعىنداعى 224 شاقىرىم ۋچاسكەدە «جاستار رۋحىنىڭ» بەلسەندىلەرى مەن ۆولونتەرلەرى جول جيەگىنەن 10 توننادان استام قوقىس جينادى. ءسويتىپ, ەرىكتىلەر توبى الماتى وبلىسىنىڭ اۋماعىنا جەتتى. جۇمىلا كوتەرگەن جۇك جەڭىل دەمەكشى, بىرەر كۇندە باس-اياعى 1 مىڭ شاقىرىمنان استام جول تازارتىلدى.
«ەستافەتانى جامبىل وبلىسىنان قابىلداپ الدىق. قازىردىڭ وزىندە ەكى وبلىستىڭ شەكاراسىندا, ياعني قانشەڭگەل اۋلىنىڭ ماڭىندا جامبىل اۋدانىنىڭ 300-گە تارتا تۇرعىنى اكتسياعا قوسىلدى. قارقىندى قيمىلمەن باستالعان تازالىق جۇمىسىن ىلە اۋدانىنىڭ اقشي اۋلىندا جالعاستىردىق. وندا بەلسەندىلەر مەن ۆولونتەرلەردەن بولەك, جەرگىلىكتى تۇرعىندار دا جۇمىلا اتسالىستى», دەيدى «Amanat» پارتياسى الماتى وبلىستىق فيليالىنىڭ توراعاسى قۋات بايعوجاەۆ.
جالپى, «تازا قازاقستان» رەسپۋبليكالىق ەكولوگيالىق اكتسياسىن وتكىزۋ تۋرالى مەملەكەت باسشىسىنىڭ تاپسىرماسىنا سايكەس الماتى وبلىسىندا ءوڭىردىڭ بارلىق ەلدى مەكەندەرىن قامتي وتىرىپ, ءتيىستى جۇمىس ورىندالدى.
اتاپ ايتساق, اكتسيانى وتكىزۋدىڭ بارلىق كەزەڭىندە 19,5 مىڭ توننا قوقىس جينالىپ, 6,6 مىڭ گەكتاردان استام اۋماق تازارتىلدى. اكتسياعا 450 مىڭنان استام ادام, 5,8 مىڭ كاسىپورىن مەن ۇيىم قاتىسقان. اكتسيانىڭ العاشقى اپتاسىندا «تازا ولكە» باعىتى بويىنشا 11,5 مىڭ توننادان استام قوقىس جينالىپ, ونىڭ 4 مىڭ تونناسى قايتا وڭدەۋگە جىبەرىلدى. ناتيجەسىندە, 4,7 مىڭ گەكتاردان استام اۋماق تازارتىلدى.
بۇل شاراعا 290 مىڭنان استام تۇرعىن, ونىڭ ىشىندە 400 ساياجاي الابىنىڭ تۇرعىندارى بەلسەنە قاتىسقانىن اتاپ ايتقان ءجون. تازارتۋ جۇمىستارىنا 261 بىرلىك تيەۋ جانە 930 بىرلىك جۇك تەحنيكاسى تارتىلدى. كوپقاباتتى تۇرعىن ۇيلەردىڭ 975 اۋلاسىندا قالپىنا كەلتىرۋ, بوياۋ جانە وزگە دە جۇمىستار جۇرگىزىلدى.
«كيەلى مەكەن» باعىتى بويىنشا وتكەن اكتسيانىڭ ەكىنشى اپتاسىندا مادەني مۇرا وبەكتىلەرىن, ەسكەرتكىشتەر مەن ولارعا ىرگەلەس اۋماقتاردى رەتكە كەلتىرۋ جۇمىستارى ۇيىمداستىرىلدى. اكتسياعا مادەنيەت ۇيىمدارىنىڭ قىزمەتكەرلەرى, ءماسليحات دەپۋتاتتارى, وقۋشىلار, ستۋدەنتتەر, سپورتشىلار مەن ەرىكتىلەردى قوسقاندا 75 مىڭنان استام ادام قاتىستى. 850-دەن استام ەسكەرتكىش, مۇراجاي مەن مادەني ەسكەرتكىش اباتتاندىرىلىپ, 7,5 مىڭ توننا قوقىس جينالدى.
«جاسىل ايماق» باعىتى بويىنشا وتكەن ءۇشىنشى اپتاسىندا اكتسياعا 57 مىڭنان استام ادام قاتىسىپ, تازارتۋ جۇمىستارىنا اتسالىستى. مامانداندىرىلعان تەحنيكانىڭ 487 بىرلىگى جۇمىلدىرىلدى. 45 مىڭ اعاش, 5,9 مىڭ بۇتا, 3 مىڭ كوشەت وتىرعىزىلدى. حالىققا 10 مىڭنان استام كوشەت ساتىلدى. جالپى سانى 64,7 مىڭ كوشەت ەگىلدى. وبلىستىڭ 340 مىڭ وقۋشىسىنىڭ قاتىسۋىمەن ء«وز اعاشىڭدى وتىرعىز» اكتسياسى ۇيىمداستىرىلدى.
ءتورتىنشى اپتا اياسىندا «ونەگەلى ۇرپاق» باعىتى بويىنشا جۇمىستار اتقارىلىپ, وعان 4,8 مىڭنان استام ادام قاتىستى. 293 كوشەت وتىرعىزىلدى, 6 بىرلىك مامانداندىرىلعان جانە 6 بىرلىك جۇك تەحنيكاسى تارتىلدى. جالعىز تۇراتىن ارداگەرلەردىڭ 963 ءۇي ماڭىنداعى اۋماعى جينالدى جانە اباتتاندىرىلدى. جينالعان قوقىستىڭ جالپى كولەمى 49 توننانى قۇرادى.
ء«مولدىر بۇلاق» باعىتى اياسىندا وتكەن اكتسيانىڭ بەسىنشى اپتاسىنداعى شاراعا 27 مىڭنان استام ادام قاتىستى. 413 وزەننىڭ, كولدىڭ جانە سۋ ايدىندارىنىڭ جاعالاۋلارى تازارتىلدى. 424 توننا قوقىس شىعارىلدى. 266 بىرلىك تيەۋ جانە 348 بىرلىك جۇك تەحنيكاسى جۇمىلدىرىلدى.
«تازا قازاقستان» اكتسياسى بيىل جىل سوڭىنا دەيىن جالعاساتىن بولادى. بۇل باعىتتا اكىمنىڭ ءبىرىنشى ورىنباسارى نۇرلان ءابدىراحىم ءىس-شارالار جوسپارىن ازىرلەپ, بەكىتتى. سونىمەن قاتار ءار اۋداندا جانە قوناەۆ قالاسىندا وسىنداي جوسپارلار جەكە بەكىتىلىپ, جۇزەگە اساتىن بولادى.
الماتى وبلىسى
