قازاقستان • 14 ماۋسىم, 2024

قازاقستاندا جەل ەلەكتر ستانتسيالارىن سالۋ جوبالارى بويىنشا اۋكتسيون ءوتتى

220 رەت
كورسەتىلدى
1 مين
وقۋ ءۇشىن

العاشقى اۋكتسيون قازاقستاننىڭ ەلەكتر ەنەرگەتيكالىق جۇيەسىنىڭ سولتۇستىك ايماعى ءۇشىن جالپى قۋاتى 100 مۆت جەل ەنەرگەتيكالىق ستانتسيالارىنىڭ (جەس) جوبالارىن ىرىكتەۋ بويىنشا وتكىزىلدى, دەپ حابارلادى Egemen.kz.

قازاقستاندا جەل ەلەكتر ستانتسيالارىن سالۋ جوبالارى بويىنشا اۋكتسيون ءوتتى

فوتو: Naqty.kz

اۋكتسيونعا قاتىسۋعا سەگىز كومپانيا جىبەرىلدى, قاتىسۋشىلار 43 باعا ۇسىنىسىن بەردى. بەرىلگەن وتىنىمدەردىڭ جالپى كولەمى 700 مۆت قۇرادى. 2024 جىلى جەس جوبالارىن ىرىكتەۋ بويىنشا اۋكتسيوندىق ساۋدا-ساتتىقتى وتكىزۋ كەزىندە شەكتى اۋكتسيوندىق باعا 1 كۆت-ساع ءۇشىن 22,68 تەڭگەنى قۇرادى.

ساۋدا-ساتتىق سەسسياسىن وتكىزۋ بارىسىندا اۋكتسيوندىق ساۋدا-ساتتىققا قاتىسۋشىلاردان الىنعان وتىنىمدەردىڭ باعا دياپازونى 1 كۆت-ساع ءۇشىن 22,68-دەن 6,9 تەڭگەگە دەيىن قۇرادى.

اۋكتسيون قورىتىندىسى بويىنشا «ەكوۆايند» جشس كومپانياسى جەڭىمپاز بولىپ تانىلدى, جوبانىڭ بەلگىلەنگەن قۋاتى - 100 مۆت, اۋكتسيوندىق باعاسى - 6,9 تگ/كۆت-ساع. جوبانى اقتوبە وبلىسىندا ىسكە اسىرۋ جوسپارلانىپ وتىر.

 


التىناي ابدىش,

ل.ن.گۋميلەۆ اتىنداعى ەۇۋ ستۋدەنتى

سوڭعى جاڭالىقتار