فوتو: Ulysmedia
«اقسۋ قالاسىندا پروكۋرورلار «اۋىل – ەل بەسىگى» مەملەكەتتىك باعدارلاماسى اياسىندا سالىنىپ جاتقان نىساندار ءۇشىن قۇرىلىس بولىمىمەن نەگىزسىز 500 ميلليون تەڭگە اۋدارىلعانىن انىقتادى», دەپ حابارلادى پاۆلودار وبلىسىنىڭ پروكۋراتۋراسى.
تاپسىرىس بەرۋشى 5 دەنە شىنىقتىرۋ-ساۋىقتىرۋ كەشەنىن سالىپ جاتقان مەردىگەرلەردىڭ جۇمىسىنا الدىن الا تولەم جاساعان. ال قازىر قۇرىلىس جوسپاردان بەس ايعا كەشىگىپ جاتقانى انىقتالدى.
«قاداعالاۋ اكتىسى بويىنشا اقسۋ قالاسىنىڭ اكىمدىگى ارتىق تولەنگەن بيۋدجەت قاراجاتىن قايتارۋ بويىنشا تالاپ-ارىز جۇمىستارىن جۇرگىزىپ جاتىر, بۇگىنگى تاڭدا 60 ملن تەڭگە مەملەكەتكە قايتارىلدى», دەپ ناقتىلادى پروكۋراتۋرا.
اتالعان زاڭ بۇزۋشىلىقتار ءۇشىن اقسۋ قالاسى اكىمىنىڭ ورىنباسارى تارتىپتىك جازاعا تارتىلدى, ال ادەپ جونىندەگى كەڭەس قۇرىلىس ءبولىمىنىڭ باسشىسىن «مەملەكەتتىك قىزمەتتىڭ بەدەلىن تۇسىرەتىن تارتىپتىك تەرىس قىلىق جاساعانى ءۇشىن» قىزمەتىنەن بوساتۋدى ۇسىندى.
قىرمىزى جۇماعاليقىزى,
ەۇۋ ستۋدەنتى
