جاپونيا ۇيىمدارىنىڭ 30 جىلدىق ىنتىماقتاستىعىن قورىتىندىلاۋ, ىنتىماقتاستىقتىڭ الداعى ۋاقىتتاعى كەلەشەگى مەن باعىتتارىن تالقىلاۋ ماقساتىنداعى سەمينارعا جاپونيانىڭ اتوم ەنەرگياسى اگەنتتىگىنىڭ پرەزيدەنتى «كوگۋچي», «Marubeni Utility Services», «Toshiba Energy Systems & Solutions Corporation», «Japan Atomic Power company», «Toyo Tanso Co.Ltd» جانە ت.ب. ۇيىمدارىنىڭ باسشىلارى مەن ماماندارى قاتىستى.
ورتالىقتىڭ ءباسپاسوز قىزمەتى حابارلاۋىنشا, 90-جىلداردىڭ ورتا شەنىنەن باستاپ ۇلتتىق يادرولىق ورتالىقتىڭ بازاسىندا جاپونيانىڭ اتوم ەنەرگياسى جونىندەگى اگەنتتىگىمەن بىرلەسىپ, ناتري سالقىنداتقىشى بار شاپشاڭ نەيتروندارداعى پەرسپەكتيۆالىق يادرولىق رەاكتوردىڭ اۋىر اپاتىمەن بىرگە جۇرەتىن ۇدەرىستەردى زەرتتەۋ بويىنشا رەاكتورلىق جانە رەاكتوردان تىس ەكسپەريمەنتتەردىڭ EAGLE جوباسى جۇرگىزىلدى. بالقۋ زاڭدىلىقتارى, رەاكتوردىڭ اكتيۆ ايماعى بالقىماسىنىڭ باقىلاناتىن قوزعالىسى, ونىڭ قۇرىلىمدىق ماتەريالدار ەلەمەنتتەرىمەن جانە سالقىنداتقىشپەن ءوزارا ارەكەتتەسۋى زەرتتەلدى.
ازيا ەلدەرىندەگى يادرولىق كووپەراتسيا فورۋمى اياسىنداعى جوبالاردى ىلگەرىلەتۋ بويىنشا جۇمىس بەلسەندى جۇرگىزىلىپ جاتىر, ول جاپوندىق ارىپتەستەردىڭ باستاماسىمەن جانە قولداۋىمەن ۇيىمداستىرىلعان تاجىريبە الماسۋعا, يادرولىق تەحنولوگيالاردى بىرلەسىپ دامىتۋعا ارنالعان جىلدار بويى جۇمىس ىستەيتىن پارمەندى الاڭداردىڭ ءبىرى.
ۇلتتىق يادرولىق ورتالىقتىڭ باس ديرەكتورى ەرلان باتىربەكوۆ: «بۇگىنگى تاڭدا ءبىز جاپوندىقتارمەن بىرگە اتوم ەنەرگياسىنىڭ ارتىقشىلىقتارىن پايدالانۋ ماقساتىندا بىرلەسكەن زەرتتەۋلەردى تالقىلاۋدامىز. جاپونيادا جوبالانعان ناتري سالقىنداتقىشى بار شاپشاڭ نەيتروندارداعى ءتورتىنشى بۋىن رەاكتورىنىڭ قاۋىپسىزدىگىن زەرتتەۋگە ارنالعان جاڭا رەاكتورلىق جانە رەاكتوردان تىس ەكسپەريمەنتتەر جۇرگىزىلمەك», دەيدى.
وسىعان دەيىن رەاكتورلىق ەمەس قوندىرعىلاردا جاپوندىق عالىمدارمەن بىرلەسكەن CORMIT جوباسى ىسكە اسىرىلدى. بۇل اتوم ستانسالارىنىڭ قاۋىپسىزدىگىن ايتارلىقتاي ارتتىرۋعا مۇمكىندىك بەرەدى. سەمينار جۇمىسى ناتيجەسىندە توكاماك تەرمويادرولىق ماتەريالتانۋ رەاكتورى, رەاكتورلىق ەمەس ستەندتەر مەن قوندىرعىلار عىلىمي زەرتحانالارىنا تۋرلار ۇيىمداستىرىلماق.
اباي وبلىسى
