فوتو: instagram.com
جۋرناليست وسى ءىستىڭ انىق-قانىعىن اجىراتۋ ماقساتىندا پوليتسيا قىزمەتكەرىن ەرتىپ, قاراعاندى قالاسىنا بارعان.
ول سوڭعى ۋاقىتتا وسى ىسكە قاتىستى اقپارات تالقىلانباسا دا ىزدەۋ جۇمىستارى جالعاسىپ جاتقانىن جەتكىزدى.
«كەشە مەن ارقالىق قالاسىنىڭ پوليتسيا قىزمەتكەرى سايات يسلاموۆپەن بىرگە قاراعاندى قالاسىنا بارىپ كەلدىم. زەرتتەۋ بارىسىندا جانىبەكتىڭ اكەسى بولۋى مۇمكىن دەگەن ەر ادام انىقتالدى. وكىنىشتىسى, ول كىسى ومىردەن وتكەن بولىپ شىقتى. سوندىقتان مارقۇمنىڭ جاقىندارى مەن ەت جاقىن ادامدارىمەن سويلەسۋ ءۇشىن پوليتسيا قىزمەتكەرىنە ەرىپ, ءوزىم ارنايى بارعان ەدىم, بىراق تۋىستارى سوزىمىزگە, وتىنىشىمىزگە قۇلاق اسپادى. دنق تەستىنە قان تاپسىرۋدان باس تارتتى», دەيدى قىمبات دوسجان.
راديو-حابار رەداكتسياسىنا جانىبەكتىڭ اكەسىمەن بۇرىن جۇمىس ىستەگەن ازامات ءانونيمدى تۇردە حابارلاسىپ, ارىپتەسىنىڭ جاس كەزدەگى بەينەسى, ءجۇرىس-تۇرىسى جانىبەككە قاتتى ۇقساعانىن ايتقان.
ء«تىپتى مارقۇمنىڭ جاس كەزىندەگى سۋرەتكە قاراپ, ءبىز دە جانىبەك بالامىزدى كورگەندەي بولدىق. امال قانشا, مارقۇمنىڭ تۋىستارى تاعى دا ويلانىپ, وڭ شەشىم قابىلدايدى دەپ كۇتەمىز. جانىبەك: «ەگەر وسى اۋلەتتىڭ بالاسى بولىپ شىقسام, ولاردىڭ اقشاسىنا نەمەسە دۇنيە مۇلكىنە تالاسىم جوق», دەپ قولحات بەرۋگە دايىن ەكەنىن ايتتى», دەپ حابارلادى قىمبات دوسجان.
