فوتو:قفف-نىڭ ءباسپاسوز قىزمەتى
مەموراندۋمعا قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ پەن inDrive كومپانياسىنىڭ نەگىزىن قالاۋشى ارسەن تومسكي قول قويدى. تاراپتاردىڭ ىنتىماقتاستىعى بالالار اراسىنداعى فۋتبولدىڭ دامۋىنا اسەر ەتەدى.
ىنتىماقتاستىقتىڭ نەگىزگى ماقساتى - UEFA-نىڭ «D» جانە «C» ليتسەنزياسىن الۋ ءۇشىن باپكەرلىك كۋرسىن وتكىزۋ, سونداي-اق كوممەرتسيالىق ەمەس Supernovas فۋتبول جوباسى اياسىندا قازاقستاننىڭ الىس شالعايىنداعى اۋىلدار مەن قالالارداعى بالالاردى فۋتبولعا باۋلۋ.
«بۇل سەرىكتەستىكتى ەلىمىزدەگى بالالار فۋتبولىنىڭ دامۋىنا ۇلكەن قادام دەپ بىلەمىن. inDrive كومپانياسىمەن سەرىكتەس اتانعانىمىزعا قۋانىشتىمىز جانە بۇل سەرىكتەستىك بۇقارالىق دەڭگەيدە فۋتبولدى دامىتۋعا جاعدايدى جاقسارتۋدا ءوز جەمىسىن بەرەتىنىنە سەنىمدىمىن», دەدى ادىلەت بارمەنقۇلوۆ.
قوس تاراپتىڭ وكىلدەرى ءتۇرلى ءىس-شارالار, كونفەرەنيا مەن سەمينارلارعا قاتىسادى.
«inDrive ءۇشىن ادىلەتسىزدىكپەن كۇرەسىپ, شالعايداعى اۋىل-ايماقتىڭ بالالارىنا سپورتپەن شۇعىلدانۋعا مۇمكىندىك بەرۋ وتە ماڭىزدى. ءبىزدىڭ Supernovas جوبامىز ويىننان ءلاززات الىپ, قاۋىپسىز جانە قولداۋعا تولى ورتادا دامۋعا باعىتتالعان. قازاقستان فۋتبول فەدەراتسياسىمەن جەمىستى سەرىكتەستىگىمىزدىڭ باستالۋىن اسىعا كۇتەمىز», دەدى inDrive كومپانياسىنىڭ نەگىزىن قالاۋشى ارسەن تومسكي.
Supernovas جوباسى قازاقستاننىڭ بارلىق ايماعىنان كەلىپ تۇسكەن ءوتىنىشتى قابىلداپ, جاقىن ۋاقىتتا جاڭا لوكاتسيالار جايلى حابارلايدى.
ەسكە سالا كەتەيىك, 2022-2023 جىلدارى inDrive جوبا اياسىندا قازاقستاننىڭ توعىز قالاسىندا, ناقتىراق ايتقاندا: جانىبەك (بقو), زەرەندى (اقمولا وبلىسى), ۇلىتاۋ ( ۇلىتاۋ وبلىسى), التاي (شقو), بلاگوۆەششەنكا (سقو), تالعار (الماتى وبلىسى), شالقار (اقتوبە وبلىسى), ىنتىماق (تۇركىستان وبلىسى), فورت-شەۆچەنكودا (ماڭعىستاۋ وبلىسى) فۋتبول سەكتسيالارىن اشتى.
قىرمىزى جۇماعاليقىزى,
ەۇۋ ستۋدەنتى
