فوتو: اقوردا
ۇلتتىق قۇرىلتايدىڭ جۇمىسىنا جۇرتشىلىقتىڭ جاڭا وكىلدەرى – ء«ادىل ءسوز» ءسوز بوستاندىعىن قورعاۋ حالىقارالىق قورىنىڭ پرەزيدەنتى قارلىعاش جامانقۇلوۆا, «وتانداستار» قورىنىڭ پرەزيدەنتى دانيار قادىروۆ, «ۆرەميا» قوعامدىق-ساياسي گازەتىنىڭ باس رەداكتورى لەۆ تاراكوۆ قوسىلدى.
ۇلتتىق قۇرىلتاي قۇرامىنان ارمان قاشقىنبەكوۆ, دەنيس كريۆوشەەۆ, ابزال ساپاربەك ۇلى شىعارىلدى.
ايتا كەتەيىك, ۇلتتىق قۇرىلتاي قاسىم-جومارت توقاەۆتىڭ جارلىعىمەن 2022 جىلدىڭ ماۋسىمىندا قۇرىلدى. ول كونسۋلتاتيۆتىك-كەڭەسشى ورگان. نەگىزگى ماقساتى – قوعامدىق بىرىگۋدى ودان ءارى دامىتۋ بويىنشا يدەيالار مەن قادامدار ازىرلەۋ.
ونىڭ مىندەتتەرىنە جالپىۇلتتىق قۇندىلىقتاردى ىلگەرىلەتۋ جانە نىعايتۋ جونىندە ۇسىنىستار ازىرلەۋ جانە ەنگىزۋ, جۇرتشىلىق, ساياسي پارتيالار, ۇكىمەتتىك ەمەس سەكتور جانە مەملەكەتتىك ورگاندار وكىلدەرى اراسىندا سىندارلى ديالوگتى قامتاماسىز ەتۋ كىرەدى.
