پارتيا «تازا قازاقستان» جالپىۇلتتىق ناۋقانى اياسىندا Road-ەستافەتاسىن باستاعان بولاتىن. وسى اپتادا پارتيانىڭ جۇزدەگەن بەلسەندىسى مەن «جاستار رۋحى» جاستار قاناتىنىڭ ۆولونتەرلەرى «استانا – الماتى» تاسجولى بويىنىڭ اۋماعىن تازارتادى.
وسىلايشا, «قوقىستى سىيلىققا ايىرباستا» اكتسياسى اياسىندا قالا تۇرعىندارى شىنى, قاعاز, مەتالل جانە پلاستيك قالدىقتارىن وتكىزىپ, ونى يميدجدىك سىيلىقتارعا ايىرباستادى.
ءوز كەزەگىندە, «AMANAT» پارتياسى قاراعاندى وبلىستىق فيليالىنىڭ توراعاسى بەكزات التىنبەكوۆ پەن «جاستار رۋحى» جاستار قاناتىنىڭ توراعاسى اقەركە يسكاندەروۆا ازاماتتاردى اكتسياعا بەلسەندى قاتىسۋعا شاقىرىپ, قورشاعان ورتانىڭ تازالىعى ورتاق جاۋاپكەرشىلىك ەكەنىن ەسكە سالدى. سونداي-اق قوقىستى دۇرىس سۇرىپتاۋدىڭ ماڭىزىنا توقتالدى.
ء «بىز قوعام نازارىن ەلىمىزدەگى ەكولوگيا ماسەلەسىنە, تابيعاتتىڭ لاستانۋىنا, ۆانداليزم كورىنىستەرىنە اۋدارعىمىز كەلدى. ءبىزدىڭ ماقساتىمىز – جاستار اراسىندا ەكولوگيالىق مادەنيەت قالىپتاستىرۋ. سوندىقتان ءار ازاماتتىڭ بەلسەندى ارەكەت ەتۋى – اسا ماڭىزدى. ال جينالعان قوقىس قايتا وڭدەۋگە جىبەرىلەدى», دەدى اقەركە يسكاندەروۆا.
اكتسيا بارىسىندا ءوڭىردىڭ ونەرلى جاستارى قالا تۇرعىندارىنا ارناپ كونتسەرتتىك باعدارلاما ۇيىمداستىردى.
ايتا كەتەيىك, اتالعان اكتسيا تەك قاراعاندىدا عانا ەمەس, Road-ەستافەتا بارىسىندا بىرنەشە قالادا جالعاسىن تابادى.
قىرمىزى جۇماعاليقىزى,
ەۇۋ ستۋدەنتى
