فوتو: قر ءسىم
كەزدەسۋ بارىسىندا قازاقستان-جاپونيا ىنتىماقتاستىعىنىڭ وزەكتى ماسەلەلەرى قوزعالدى. تاراپتار 2024 جىلعى 6 ماۋسىمدا استانادا جاپونيا ۆيتسە-ءمينيسترىنىڭ قاتىسۋىمەن وتكەن حالىقارالىق عىلىمي-تەحنيكالىق ورتالىقتىڭ 30 جىلدىعىنا ارنالعان ءىس-شارانىڭ ءساتتى ۇيىمداستىرىلعانىن قۇپتادى.
سونداي-اق كەزدەسۋ بارىسىندا قازاقستان مەن جاپونيانىڭ وسىعان دەيىنگى اتالعان ورتالىقتىڭ دامۋىنا قوسقان ۇلەسى جانە الداعى ءوزارا ءىس-قيمىلداردىڭ جولدارى تالقىلاندى. تاراپتار يادرولىق قارۋسىزدانۋ جانە تاراتپاۋ سالاسىنداعى حالىقارالىق قاۋىپسىزدىك ماسەلەلەرى سياقتى باسىم سالالارداعى وڭىرلىك جانە حالىقارالىق فورماتتاعى ءوزارا سەرىكتەستىكتىڭ باعىتتارىن قاراستىردى.
ا.راحمەتۋللين قازاقستاننىڭ بۇۇ جانە ماگاتە سياقتى كوپجاقتى قۇرىلىمدار اياسىنداعى ۇيلەستىرۋدى نىعايتۋعا مۇددەلى ەكەنىنە نازار اۋداردى.
يو.فۋكازاۆا وسى سالالارداعى وڭ الەۋەتتى ەسكەرە وتىرىپ, ەلدەر اراسىنداعى ءداستۇرلى دوستىق قارىم-قاتىناستاردى نىعايتۋ مۇمكىندىگىن اتاپ ءوتتى. بۇۇ ينستيتۋتتارى مەن باسقا دا حالىقارالىق ۇيىمدار اياسىنداعى ءوزارا قولداۋلارعا ەرەكشە نازار اۋدارىلدى. كەزدەسۋ سوڭىندا تاراپتار ەكى ەلدىڭ سىرتقى ىستەر مينيسترلىكتەرى دەڭگەيىندە ديالوگتى جالعاستىرۋعا كەلىستى.
حالىقارالىق عىلىمي-تەحنيكالىق ورتالىق – 1992 جىلى قۇرىلعان ۇكىمەتارالىق ۇيىم. ورتالىقتىڭ باس كەڭسەسى استانا قالاسىندا ورنالاسقان. ۇيىمنىڭ نەگىزگى قىزمەتى عىلىمي زەرتتەۋ جانە تاجىريبەلىك-كونسترۋكتورلىق جوبالاردى باسقارۋ بولىپ تابىلادى.
