فوتو: ۇتو
ۆەدومستۆونىڭ مالىمەتىنشە, نەگىزگى ۇبت باستالعالى بەرى 114 مىڭ رەت تەستىلەۋ تاپسىرىلدى. ونىڭ ىشىندە تالاپكەرلەردىڭ 74 پايىزى قازاق تىلىندە, 26 پايىزى ورىس تىلىندە, 110 ادام اعىلشىن تىلىندە تەستىلەۋدەن ءوتتى.
سونىمەن قاتار مينيسترلىك تالاپكەرلەردىڭ 75 پايىزى شەكتى بالل جيناعانىن حابارلادى. ال ورتاشا 68 بالل بولدى. ەڭ جوعارى بالل – 138, ونى تۇركىستان وبلىسىنىڭ وقۋشىسى جينادى.
سونداي-اق مامانداردىڭ ايتۋىنشا, تەستىلەۋدەن وتكەننەن كەيىن ءاربىر تالاپكەر قانداي تاقىرىپتاردان قاتە جىبەرگەندەرىن كورىپ, جەكە تاقىرىپتىق تالداۋ الادى.
ء«ۇش اپتانىڭ قورىتىندىسى بويىنشا تالاپكەرلەر «وقۋ ساۋاتتىلىعى» ءپانىن ۇزدىك تاپسىردى, ورتا ەسەپپەن يگەرۋ 75%-دى قۇرايدى. «فيزيكانى» تاپسىرعان بالالار ناشار ناتيجە كورسەتتى – سۇراقتاردىڭ تەك 36%-ىنا عانا دۇرىس جاۋاپتار بەرىلدى. ەڭ قيىن تاقىرىپ «مەحانيكالىق تولقىندار» بولدى», دەپ مالىمدەدى مينيسترلىكتىڭ ءباسپاسوز قىزمەتى.
ايتا كەتەيىك, ۇبت-2024 اياقتالعاننان كەيىن كۇنتىزبەلىك جىلدىڭ 31 قازانىنا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ جانە ەرەجەلەردى بۇزۋ فاكتىلەرى انىقتالسا, تالاپكەردىڭ سىناق ناتيجەلەرى جويىلادى.
ەسكە سالا كەتەيىك, 2024 جىلدىڭ 24 مامىرىندا سمارتفون مەن باسقا دا تىيىم سالىنعان زاتتاردى پايدالانعان 32 تالاپكەر تەست تاپسىرۋ قۇقىعىنان ايىرىلعان ەدى.
قىرمىزى جۇماعاليقىزى,
ەۇۋ ستۋدەنتى
