32 جاستاعى تەحاس شتاتىنىڭ تۋماسى مۋاي-تايدىڭ حاس شەبەرى. وسى سپورت ءتۇرىن ول 2012 جىلدان بەرى سەرىك ەتىپ كەلەدى. سول ارالىقتا 18 كەزدەسۋ وتكىزىپ, 12 رەت جەڭىسكە جەتتى. جەتى باسەكەنى مەرزىمىنەن بۇرىن اياقتادى. بيىل ناۋرىز ايىندا ۇيىمداستىرىلعان ءوزىنىڭ سوڭعى جەكپە-جەگىندە ول ءبىزدىڭ اسۋ الماباەۆقا ەسە جىبەردى. ال بىلتىر ۆەرگارا دانيەل دا سيلۆا مەن ۆينيسيۋس سالۆادورعا سان سوقتىردى.
ازات ماقسۇم UFC-مەن كەلىسىمشارتقا وتىرعانعا دەيىن قاتارىنان 16 ايقاستى ءوز پايداسىنا شەشتى. الەمنىڭ ەڭ مىقتى پروموۋشەنىندەگى العاشقى كەزدەسۋىن ول 2023 جىلدىڭ جازىندا تايسون نەمگە قارسى وتكىزىپ, قارسىلاسىن ۇپاي سانىمەن ۇتتى. الايدا ودان كەيىن ويدا-جوقتا چارلز دجونسونعا ەسە جىبەردى. بۇل فايتەرلەردىڭ ەكەۋى دە – اقش-تان.
پارسى شىعاناعىندا ۇيىمداستىرىلعالى وتىرعان ءتۋرنيردىڭ باستى باسەكەسىندە ۋمار نۇرماگومەدوۆ كوري سەندحاگەنمەن سايىسقا تۇسەدى. سونداي-اق توني فەرگيۋسون مەن مايكل كەزا, نيك دياس پەن ۆيسەنتە ليۋكە جانە تاعى باسقا دا جەكپە-جەكتەر جانكۇيەرلەردىڭ كوڭىلىنەن شىعادى دەگەن ويدامىز.
