وتانداسىمىزدىڭ ۇزدىكتەر تىزىمىندە 15 ورىنعا جايعاسقان 28 جاستاعى اپەننين تۇبەگىنەن كەلگەن تەننيسشىنى ۇتاتىنىنا كۇماندانعاندار كەمدە-كەم ەدى. ويتكەنى ەلەنا جاسمينگە قاراعاندا الدەقايدا قارىمدى. ول الەمدىك رەيتينگتە العاشقى تورتتىكتى تۇيىندەپ تۇر. قول جەتكىزگەن جەتىستىكتەرى دە ودان الدەقايدا زور. پاوليني بار بولعانى بىلتىر «رولان گارروستا» ءدال وسى مەجەگە دەيىن جەتىپ, WTA تۋرنيرلەرىندە ەكى رەت توپ جاردى. دەسەك تە بۇل كەزدەسۋدە رىباكينا وتە ناشار وينادى. باسەكە بارىسىندا ءجيى قاتەلەسىپ, قارسىلاسىنىڭ ءبىر ەمەس, بىرنەشە رەت برەيك جاساۋىنا مۇمكىندىك بەردى. ناتيجەسىندە, 2 ساعاتتان اسا ۋاقىتقا سوزىلعان سايىستا جاسمين پاوليني 2:6, 6:4, 4:6 ەسەبىمەن جەڭىسكە جەتتى.
جالپى, ەلەنا رىباكينانىڭ گرۋنتتا ەركىن ويقاستاعان كەزى سيرەك. 2002 جىلى ول «ۋيمبلدوندا» دارا شىعىپ, بىلتىر اۋستراليانىڭ اشىق بىرىنشىلىگىندە فينالعا دەيىن جەتكەنىمەن, «رولان گارروستا» ۇنەمى ءساتسىز ونەر كورسەتىپ ءجۇر. جەرلەسىمىزدىڭ پاريجدەگى ەڭ ۇزدىك كورسەتكىشى – 2021 جىلعى جارىستىڭ شيرەك فينالى. بيىل دا ەلەنا ءدال سول مەجەدە ءسۇرىندى.
