- رەسەي سۋپەركۋبوگىندە «بالتيكانىڭ» قاقپاسىنا جەڭىس دوبىن سوققان ءنۇرالى ءالىپتى جانكۇيەرلەر وسى ماتچتىڭ ەڭ ۇزدىك ويىنشىسى دەپ تانىدى.
- «ەۋرو-2025» دوداسىنىڭ ىرىكتەۋ سايىسىندا س توبىنداعى ەلىمىزدىڭ ايەلدەر قۇراماسى ارمەنيانى 4:1 ەسەبىمەن ويسىراتا ۇتتى. بۇل گولداردىڭ اۆتورلارى – الەكساندرا بۋروۆا, ايدا گايستەنوۆا, بيبىگۇل نۇرىشەۆا جانە اسەلحان تۇرلىبەكوۆا. قوناقتار ساپىنان تەك مارال ارتين گول سوقتى. وسىلايشا, ءتورت كەزدەسۋدەن كەيىن جەرلەستەرىمىز العاشقى جەڭىسىنە قول جەتكىزدى. ال تيراسپولدە وتكەن جولداستىق كەزدەسۋدە ەلىمىزدىڭ جاسوسپىرىمدەر قۇراماسى (U-19) ازەربايجانعا 0:2 ەسەبىمەن ەسە جىبەردى.
- بۇل كۇندەرى فرانتسيادا «كريتەريۋم دوفينە» كوپكۇندىگى وتۋدە. وكىنىشكە قاراي, «استانانىڭ» ۆەلوشاباندوزدارى ازىرگە ۇزدىكتەر قاتارىنا ەنە الار ەمەس. ءۇشىنشى كەزەڭنەن كەيىن قازاقستاننىڭ كومانداسى ساپىنداعى كولۋمبيالىق لەگيونەر حارولد تەحادا 23-ورىندى قاناعات تۇتۋدا. سونداي-اق كەشە نيدەرلاندتا «ZLM Tour» دوداسى باستالدى. بۇل جارىستا «استانانىڭ» نامىسىن ماكس كانتەر, ريۋديگەر زەليگ (گەرمانيا), گلەب سىريتسا (رەسەي), دانيل مارۋحين (قازاقستان), ماكس ۋوكەر ( ۇلىبريتانيا) جانە داۆيدە تونەاتتي (يتاليا) قورعاۋدا.
- «Opta» ستاتيستيكالىق پورتالى ساناۋلى كۇندەردەن كەيىن گەرمانيادا شىمىلدىعى تۇرىلەتىن فۋتبولدان ەۋروپا چەمپيوناتىنىڭ فاۆوريتتەرىن اتادى. سۋپەركومپيۋتەردىڭ ەسەبى بويىنشا باس جۇلدەدەن باستى ۇمىتكەر – انگليا قۇراماسى. ولار 19,9 پايىزدىق باسىمدىققا يە. ەكىنشى جانە ءۇشىنشى ورىنداردا – فرانتسيا (19,1 %) مەن گەرمانيا (12,4 %). ال گرۋزيا (0,1 %), سەربيا (1,0 %) جانە ۋكراينا (1,0 %) اۋتسايدارلەر ساناتىندا.
- 9 ماۋسىمدا الماتىدا ارالاس جەكپە-جەكتەن «نوماد» ءتۋرنيرى وتەدى. وسى كەشتىڭ باستى باسەكەسىندە اتالعان پروموۋشەندە ءالى بىردە-ءبىر رەت جەڭىلمەگەن ايدوس جاپپابەرگەنوۆ پەن جۇمان جۇمابەكوۆ چەمپيوندىق بەلبەۋ ءۇشىن تالاسادى.
