فوتو: جوعارعى سوت
ۆەدومستۆونىڭ مالىمەتىنشە, 2009 جىلى تالاپ قويۋشى مەنشىك يەسىنەن (ساتۋشىدان) 2007 جىلعى زاڭداستىرۋ كوميسسياسىنىڭ شەشىمىمەن جانە 2008 جىلعى جەكە مەنشىككە قۇقىق بەرەتىن اكتىمەن وزىنە تيەسىلى ۋچاسكەنى ساتىپ العان.
تالاپ قويۋشى سول جەرگە تۇرعىن ءۇي سالىپ, 2015 جىلى اۋداندىق كوميسسيانىڭ شەشىمىمەن زاڭداستىرعان.
ءبىر جىلدان كەيىن سوت ء(ۇشىنشى تۇلعانىڭ تالاپ قويۋى بويىنشا) زاڭداستىرۋ تۋرالى شەشىمدى, جەكە مەنشىك قۇقىعىنا اكتىنى, ۋچاسكەنى ساتىپ الۋ-ساتۋ شارتىن, ال تاعى 2 جىلدان كەيىن ءۇيدى زاڭداستىرۋ تۋرالى شەشىمدى جارامسىز دەپ تانىپ, عيماراتتى بۇزۋعا قاۋلى شىعارعان.
«ساراپشىنىڭ قورىتىندىسى بويىنشا تۇرعىن ءۇيدى قالپىنا كەلتىرۋ قۇنى 11 ميلليون تەڭگەنى قۇرايدى. ءبىرىنشى ساتىداعى سوت ساتۋشىدان 1 ميلليون تەڭگەگە جۋىق, اۋدان اكىمى اپپاراتىنان 11 ميلليون تەڭگەگە جۋىق شىعىندى ءىشىنارا وندىرگەن. اپەللياتسيا تالاپ قويۋشىنىڭ ءوزى تۇرعىزعان, ەشكىم بۇزباعان, پايدالانىلعان كۇيىندە تۇرعان تۇرعىن ءۇي قۇرىلىسىنىڭ بولۋىنا بايلانىستى تالاپ قويۋدى قاناعاتتاندىرۋدان باس تارتقان», دەلىنگەن حابارلامادا.
جوعارعى سوتتىڭ ازاماتتىق ىستەر جونىندەگى سوت القاسى ءىستى قاراي وتىرىپ, مىنانى كورسەتتى:
-تالاپ قويۋشىنىڭ سوت اكتىلەرىنە سايكەس قوسالقى قۇرىلىستارى بار تۇرعىن ءۇي سالۋ قۇقىعىنىڭ توقتاتىلۋىنا بايلانىستى زالال كەلتىرۋ تۋرالى دالەلدەرى تەرىسكە شىعارىلماعان;
-تالاپ قويۋشى ۋچاسكەگە جانە قوسالقى قۇرىلىستارى بار ءۇي قۇرىلىسىنا مەنشىك قۇقىعىنان ايىرىلۋىنا بايلانىستى ناقتى شىعىنعا ۇشىراعان (باسقا ءۇي عيماراتىن ساتىپ الۋ نەمەسە ماتەريالداردى تولەۋ جانە جاڭاسىن سالۋ شىعىندارى);
-11 ملن تەڭگە سوماسىنداعى تۇرعىن ءۇي قۇرىلىسىنىڭ ورنىن تولتىرۋ قۇنى ساراپشىلىق قورىتىندى بويىنشا ەڭ از جانە سوڭعى 2 جىلدا جىلجىمايتىن م ۇلىك قۇنىنىڭ وسۋىنە بايلانىستى نارىقتىق قۇنعا سايكەس كەلمەيدى;
-ساتۋشى سوت شەشىمىن ءالى ورىنداماعان, وندىرىلگەن 1 ميلليون تەڭگەگە جۋىق اقشا تولەنبەگەن, تالاپ قويۋشىنىڭ قۇقىعى قالپىنا كەلتىرىلمەگەن;
-بۇكىل ءۇيدى ساتۋ تۋرالى قورىتىندى تالاپ قويۋدان باس تارتۋ ءۇشىن نەگىزسىز, ويتكەنى كورشى 1 ميلليون تەڭگەگە قۇرىلىس ماتەريالدارى مەن قورشاۋ ساتىپ العان;
-الىنعان سوما 11 ميلليون تەڭگە شىعىندى وتەمەيدى, قالعان 10 ميلليون تەڭگە ايىرمانى ەشكىم وتەمەگەن.
جوعارعى سوت اپەللياتسيانىڭ قاۋلىسىن وزگەرتتى. كەلتىرىلگەن شىعىن ءۇشىن 10 ميلليون تەڭگە تالاپ قويۋشىنىڭ پايداسىنا اكىمدىكتەن ءوندىرىلدى.
