فوتو: Depositphotos
قۇزىرلى ورگان قازىرگى ۋاقىتتا ەلدەگى 1 مىڭنان استام جانە شەتەلدەگى 150-دەن استام م ۇلىك وبەكتىلەرىنە, 650 ملرد تەڭگەنىڭ باعالى قاعازىنا تالداۋ جاساپ جاتىر. سونداي-اق ەلىمىزدە 200-دەن استام جانە شەتەلدە 140 بانك شوتتارى انىقتالدى, ناتيجەسىندە 2 ترلن تەڭگەگە جۋىق كۇدىكتى ترانزاكتسيالار باقىلاۋعا الىندى.
پرەمەر-ءمينيستردىڭ باسشىلىعىمەن كوميسسيا 325 ملرد تەڭگەدەن استام سوماعا اكتيۆتەردى مەملەكەتكە قايتارۋ تۋرالى كەلىسىم مەن تالاپتى ماقۇلدادى, ونىڭ ىشىندە 272 ملرد تەڭگە اقشالاي قاراجات. قايتارىلعان قارجى ماڭىزدى الەۋمەتتىك جانە ەكونوميكالىق جوبالاردى جۇزەگە اسىرۋعا جۇمسالادى.
ەلىمىزدەگى جانە شەتەلدەگى قۇنى 50 ملرد تەڭگەدەن اساتىن اكتيۆتەر مەملەكەت مەنشىگىنە بەرىلدى. ولاردىڭ ىشىندە بىرقاتار ستراتەگيالىق كەن ورىندارى, مونوپوليستىك كومپانيالار, ونداعان مىڭ گەكتار جەر, سونداي-اق ءوندىرىس وبەكتىلەرى, قوناق ۇيلەر, بيزنەس ورتالىقتارى, ۆيللالار, پاتەرلەر, ءساندى كولىكتەر, زەرگەرلىك بۇيىمدار جانە تاعى باسقالار بار.
«اكتيۆتەردى قايتارۋ پروتسەسىنىڭ تاعى ءبىر ماڭىزدى بولىگى - الەۋمەتتىك جوبالاردى جۇزەگە اسىرۋ. ماسەلەن, تىزىلىمدەگى تۇلعالار ءوز ەركىمەن قىزمەتتەرىن ەرەكشە قاجەتتىلىكتەرى بار ادامدار جانە باسقا دا الەۋمەتتىك وسال توپتار تەگىن پايدالانا الاتىن, قۇنى 5 ملرد تەڭگەدەن اساتىن زاماناۋي مادەني-اعارتۋ ورتالىعىن سالىنۋعا مىندەتتەمە الدى», دەلىنگەن باس پروكۋراتۋرا حابارلاماسىندا.
2022 جىلدان باستاپ ەكونوميكانى دەمونوپوليزاتسيالاۋ شارالارىن قوسا العاندا جالپى سوماسى شامامەن 1,7 ترلن تەڭگەنىڭ اكتيۆتەرى, ونىڭ ىشىندە, شەتەلدەن 750 ملن اقش دوللارى مەملەكەتكە قايتارىلدى.
