بۇل ءبىر قىزىق دۇنيە. تاۋلىك بويى سۋعا سالسا دا, سۋ بولمايدى. بۇدان جاسالعان كورپە 1 ملن دوللار تۇرادى. الەم بويىنشا جىلىنا نەبارى 50 كگ عانا ساتىلىمعا شىعادى. مۇنى تابيعاتتىڭ ادامزاتقا سىيلاعان جىلۋ ساقتاعىشى دەسەك بولادى. مامىقتى الۋ جولى دا – كۇردەلى. يسلاندياعا بارىپ, گاگا قۇسىنىڭ ۇيالارىنان جيناۋ كەرەك. قۇس ۇياسىن ءساۋىر ايىندا, سالقىن كەزدە سالادى. ۇرپاعىن سۋىقتان قورعاۋ ءۇشىن كەۋدەسىندەگى نازىك مامىقتى ج ۇلىپ, قورشايدى. 60 ۇيادان تەك 1 كگ مامىق جينالادى. نەگە قىمبات ەكەنىن ءوزىڭىز ويلاي بەرىڭىز.
ۋدى ۋ قايتارادى
ءبىزدىڭ تۇسىنىگىمىزدە ۋلى جىلان كەز كەلگەن تىرشىلىك يەسىنە قاۋىپ توندىرەدى. بىراق تۇيە اعزاسى ولاي ويلامايدى ەكەن.
نەگىزى تۇيەنىڭ كەرەمەت يممۋنيتەتى بار. ۆيرۋستىق اۋرۋلارعا, ءتىپتى وبا نەمەسە اۋسىل سياقتى دەرتتەرگە از شالدىعادى. دەگەنمەن بۇل جانۋار اۋىراتىن ەلدەن ەرەك سىرقات بار. ۇزاق ۋاقىت بويى نە ءشوپ جەمەي, نە سۋ ىشپەي جاتىپ الادى. سوندا يەسى باياعىدان قالعان ءداستۇر بويىنشا تۇيەنىڭ اۋزىن اشىپ, ۋلى جىلاندى سالىپ جىبەرەدى. جىلاندى ۋىمەن قاتار جەگەندە, تۇيەنىڭ دەنە تەمپەراتۋراسى كوتەرىلىپ, قىزىق ۇدەرىس جۇرەدى. تۇيە تەرلەپ, بىردەن اس-سۋ ىشە باستايدى. تولىق زەرتتەلمەگەنىمەن, اراب حالقى وسى ءادىستى ءالى كۇنگە دەيىن قولدانادى.
جىلدام الپينيست
نەپال تۇرعىنى پحۋندجو دجحانگمۋ لاما ەۆەرەستەگى ەڭ جىلدام الپينيست اتاعىن الدى.
ول 8849 مەتر بيىكتىكتى 14 ساعات 31 مينۋتتا باعىندىردى. الەمدىك رەكوردتى جاڭارتتى. بۇل تۋرالى «the Himalayan Times» باسىلىمى حابارلادى. الپينيست 22 مامىردا تۇستەن كەيىن تاۋعا كوتەرىلىپ, ەرتەسى تاڭەرتەڭ ورمەلەۋدى اياقتاعان. پحۋندجو بۇعان دەيىن دە رەكوردتىق كورسەتكىشكە قول جەتكىزىپ, 2018 جىلى ەۆەرەست شىڭىن 39 ساعات 6 مينۋتتا باعىندىرعان. ول نەپالدىڭ شۆەيتساريا ءالپىسى مەن گيمالاي تاۋلارىندا ورمەلەۋ جاتتىعۋلارىنان ءوتىپ, دايىندالادى.
