فوتو: el.kz
ەندى جەرگىلىكتى وقىرماندار حاكىم اباي شىعارماشىلىعىمەن تانىسىپ, قانىش ساتباەۆ تۋرالى ماعلۇماتقا قانىعىپ, قازاقستان تاريحىن, مادەنيەتى مەن ونەرىن, سونداي-اق پرەزيدەنت قىزمەتى تۋرالى تەرەڭىرەك بىلە الادى.
اتالعان كىتاپحانادا 14 ميلليون 250 مىڭنان استام كىتاپ پەن 19 ميلليوننان استام تسيفرلانعان ماتەريال ساقتالعان. ونداعى ماماندار كىتاپحانا ىسىنە جاڭا تەحنولوگيالاردى ەنگىزۋ تاجىريبەسىمەن بولىسۋگە دايىن.
«دەلەگاتسيالارمەن الماسۋعا كەلىستىك. جاقىن ارادا كىتاپحانا ماماندارى دەلەگاتسيا جىبەرىپ, قازاقستانداعى ارىپتەستەرىمەن وزدەرىنىڭ وزىق تەحنولوگيالارىمەن بولىسەتىن بولادى. ودان كەيىن ءبىزدىڭ كىتاپحاناشىلارعا وسى جەردە ترەنينگتەر وتكىزىپ, مامان دايارلاۋعا دا ءوز نيەتتەرىن ءبىلدىرىپ وتىر», دەيدى قازاقستاننىڭ كورەيا رەسپۋبليكاسىنداعى توتەنشە جانە وكىلەتتى ەلشىسى نۇرعالي ارىستانوۆ.
