28 جاستاعى فلاندريا ايماعىنىڭ تۋماسى اينالدىرعان ءتورت-بەس جىل ارالىعىندا اقش پەن اۋستراليانىڭ اشىق بىرىنشىلىكتەرى جانە ۋيمبولدوندا باس جۇلدەنى ولجالادى. باسقا دا بىرقاتار حالىقارالىق تۋرنيردە ۇزدىكتەر قاتارىنان كورىندى. بىراق بۇل تابىسقا ەليزە جۇپتىق جارىستاردا قول جەتكىزدى. ال جەكەلەگەن سايىستا مەلبۋرندە جارتىلاي فينالعا دەيىن جەتىپ, نيۋ-يوركتە ەكى رەت شيرەك فينالعا شىقتى. قازىرگى كەزدە مەرتەنس WTA رەيتينگىندە 27-ورىندا. بۇل كەزدەسۋدە رىباكينا قارسىلاسىنا باس كوتەرتپەدى. نەبارى 1 ساعات 08 مينۋتقا سوزىلعان سايىس 6:4, 6:2 ەسەبىمەن اياقتالدى.
ءتورتىنشى كەزەڭدە ەلەنا ۋكراينالىق ەلينا سۆيتولينامەن سايىسقا تۇسەدى. الەمدىك رەيتينگتە 19-ساتىعا جايعاسقان 29 جاستاعى ودەسسانىڭ تۋماسى US open (2019 جىلى) مەن ۋيمبلدوننىڭ (2019, 2023) جارتىلاي فينالىندا جانە اۋستراليانىڭ اشىق بىرىنشىلىگى (2018, 2019) مەن رولان گارروستىڭ (2015, 2017, 2020, 2023) شيرەك فينالىندا ويناپ, WTA تۋرنيرلەرىندە 18 مارتە توپ جاردى.
