فوتو: sn.kz
بۇعان دەيىن 30 جاستاعى دينارا دوسىمبەكوۆانىڭ سەمەيگە بارار جولدا تاكسيگە ءمىنىپ, حابارسىز كەتكەنى ءمالىم بولعان ەدى.
بۇگىن قىزدى ىزدەۋ شاراسىنا قاتىسقان volontery_semey_lider.kz بەلسەندىلەرى ونىڭ ءمايىتى تابىلعانىن حابارلادى.
2 ماۋسىم كۇنى اناسى قىزىنىڭ جوعالعانى تۋرالى پوليتسياعا ارىز جازعان.
الايدا پوليتسەيلەر جۇرگىزگەن تەكسەرۋ ناتيجەسىندە, اناسى كىسى ءولىمى دەرەگى بويىنشا كۇدىككە ىلىكتى.
«30 جاستاعى قىزدىڭ جوعالۋى بويىنشا ءمان-جاي انىقتالدى. كىسى ءولتىرۋ دەرەگى بويىنشا سوتقا دەيىنگى تەرگەۋ باستالدى. كۇدىكتى ايەل قاماۋعا الىندى. تەرگەۋ شارالارى جۇرگىزىلىپ, ءتيىستى ساراپتامالار تاعايىندالدى», دەلىنگەن اباي وبلىسى پوليتسيا باسقارماسىنىڭ ءباسپاسوز قىزمەتى تاراتقان حابارلامادا.
